Kalahariwoestyn Internasionale Strafhof toe gesleep

Kalahariwoestyn onder skoot

09 September 2019 | Misdaad
Denver Kisting – Die People’s Litigation Centre (PLC), ’n plaaslike regsdrukgroep, het ’n klag van misdade teen die mensdom by die Internasionale Strafhof in Den Haag in Nederland ingedien.

Die PLC het die klag die afgelope Vrydag teen die Namibiese weermag (NDF), die polisie, korrektiewe dienste en die stadspolisie aanhangig gemaak.

Dít kom nadat ’n gesamentlike teenmisdaadveldtog verlede week ’n tweede lewe geëis het.

Mnr. Benesius Kalola (32) is Donderdag omstreeks 10:45 glo deur lede van die operasie geskiet terwyl hulle na wat verneem word besig was om ’n dwelmklopjag uit te voer.

Mnr. Trevor Brockerhoff, ’n Windhoekse prokureur, het ook opnuut teen die veldtog uitgevaar.

Hy het die afgelope naweek in die sosiale media geskryf: “Operasie Kalahari slaan weer toe. Soos ek vantevore aangedui het: Dié bloedbad sal nie ophou solank die weermag op ons strate is nie. Hoeveel meer lewens moet verloor word voor dit by die owerhede insink die militarisering van ons strate sal nie die gewenste uitwerking hê nie?”

‘Beduidende hoeveelheid dagga’

Hoofinsp. Kauna Shikwambi, polisiewoordvoerder, sê die owerhede het tydens die klopjag op “’n beduidende hoeveelheid dagga” beslag gelê en drie verdagtes aangekeer.

Shikwambi het vroeër bevestig Kalola het later dieselfde dag in die Katutura-staatshospitaal aan sy wonde beswyk. “Op dié tydstip is dit nie bekend wat tot die skietery aanleiding gegee het nie, omdat die polisieondersoek nog in ’n vroeë stadium is,” het sy Vrydagnamiddag gesê.

Die woordvoerder het bevestig ’n beampte is intussen op aanklag van moord in hegtenis geneem en sal na verwagting vandag in die Windhoek-landdroshof in Katutura verskyn.

Sy sê die owerhede betreur Kalola se dood, maar die gereg moet toegelaat word om sy loop te neem.

Polisie gooi wal

Shikwambi sê mediaberigte waarin aangevoer word Kalola was op geen misdaadsending nie, is onwaar.

Trouens, sê sy, ’n voorlopige ondersoek het onthul twee hangende strafsake het hom in die gesig gestaar – een van roof met verswarende omstandighede in 2015 en een van gewapende roof wat uit ’n beweerde voorval vroeër vanjaar spruit.

Vroeër vanjaar is ’n 22-jarige Zimbabwiese taxibestuurder, mnr. Fambauone (Charlie) Black, tydens die eerste been van Operasie Kalahariwoestyn doodgeskiet – na bewering deur kpl. Gerson Nakale, ’n NDF-lid.

Dit het pres. Hage Geingob genoop om Zimbabwiërs tydens sy eweknie, pres. Emmerson Mnangagwa, se onlangse besoek uit die buurland vir Black se dood om verskoning te vra.

[email protected]

Soortgelyk

 

Meer as 1 000 aansoeke vir registrasie as noodsaaklike...

11 ure gelede | Ministeries

Die adjunk uitvoerende direkteur in die ministerie van industrialisasie en handel, me. Ndiita Nghipondoka-Robiati sê 1 100 aansoeke vir registrasie as noodsaaklike dienste is reeds...

Gevalle van geslagsgweld styg sedert begin van inperkingstyd

11 ure gelede | Ministeries

Die adjunk uitvoerende direkteur in die ministerie van geslagsgelykheid, armoedeverligting en maatskaplike welsyn, me. Martha Mbombo sê die aantal gevalle van geslagsgeweld het gestyg sedert...

Chinese vissersbote laat gaan

1 dag gelede | Visserye

Leandrea Louw - Die ses Chinese vissersbote waarop die Namibiese vloot beslag gelê het na hulle naby Hentiesbaai hul ankers laat sak het, is laat...

Gratis aanlyn jogaklasse vir almal

1 dag gelede | Gesondheid

Tanja Bause – Die Indiese hoëkommissariaat in Windhoek het gratis aanlyn jogaklasse bekend gestel. Die klasse sal vanaf Maandae tot Vrydae tussen 17:00 en 18:00...

Kos vir hongeres

1 dag gelede | Plaaslik

Tanja Bause – Me. Tracy Vermeulen (32) geleentheidsbestuurder van die Wanderers-sportklub, vrou en ma van drie dogters, sê geen gebaar is te groot of te...

Meatco se fabriek heropen Woensdag

1 dag gelede | Landbou

Ronelle Rademeyer - Meatco het in die lig van die staatsproklamasie wat die landbouwaardeketting as ’n noodsaaklike diens verklaar en ná gesprekke met die ministers...

Sardarov skenk beskermingsdrag vir gesondheidswerkers

1 dag gelede | Gesondheid

Die Russiese miljardêr en Namibiese grondbaron mnr. Rashid Sardarov gaan beskermende drag soos gesigmaskers, mediese brille, handskoene, persoonlike beskermende toerusting (PPE) en ander noodsaaklikhede ter...

Lufthansa: Nóg vlugte vir repatriëring

1 dag gelede | Vervoer

Ronelle Rademeyer - Benewens die vyf spesiale vlugte waarmee 1 200 Europeërs tussen Sondag en Woensdag uit Namibië na Frankfurt en München in Duitsland teruggekeer...

Virus knip kruistog kort

1 dag gelede | Plaaslik

Tanja Bause – Mnr. Martin Esterhuizen (58) het 10 km buite Windhoek terug na sy huis in Otjomuise gestap. Dít met ’n houtkruis. “Ek het...