Kalahariwoestyn II skop skiet-skiet af

Man glo deur soldaat geskiet

19 August 2019 | Polisie
Leandrea Louw op Walvisbaai – Twee sake van poging tot moord is die afgelope naweek langs die kus aanhangig gemaak.

Dié sake hou verband met die tweede fase van Operasie Kalariwoestyn wat verlede week afgeskop het.

Adj.komm. Tobie Gerber van die polisie in die Erongostreek sê een voorval het Saterdagmiddag rondom middagete in Mondesa op Swakopmund gebeur.

Tydens dié voorval het ’n 32-jarige man glo ’n braaipan gesteel wat aan ’n ander man (40) behoort.

Die pan se eienaar het glo die vermeende dief agternagesit.

Toe hy die vermeende dief vang, het dié man glo ’n mes uitgehaal om die paneienaar te steek.

Die paneienaar het glo sy vuurwapen uitgepluk en die vermeende dief na bewering een keer in die kop geskiet.

Die pan en die mes is in die vermeende dief se besit gevind.

Hy is in ’n kritieke toestand na die staatshospitaal op Swakopmund geneem en later na die Katutura-staatshospitaal in Windhoek oorgeplaas.

Die paneienaar is in hegtenis geneem en sal verwagting vandag in die landdroshof op Swakopmund verskyn.

In die tweede voorval het ’n weermaglid glo op ’n lid van die publiek geskiet nadat verskeie waarskuwingskote geen vrugte afgewerp het nie.

Polisielede en soldate het na verneem word as deel van Operasie Kalahariwoestyn afgekom op twee mans wat ’n lid van die publiek beroof.

Die beamptes het die twee mans agternagesit wat glo van die toneel af gevlug het.

’n Soldaat het glo drie waarskuwingskote in die lug geskiet en geëis dat die verdagtes ophou hardloop.

Hulle het na bewering nie gehoor gegee nie waarná die soldaat glo die een man in die rug geskiet het.

Hy verkeer tans in ’n bestendige toestand in die hospitaal.

Sy vermeende makker het weggehardloop en is steeds op vrye voet.

Die N$300 wat in die man wat hulle glo beroof het se beursie was, is steeds soek.

Die polisie ondersoek klagte van roof en poging tot moord.

Die soldaat is nie in hegtenis geneem nie hoewel die owerhede op sy vuurwapen beslag gelê het.

Gerber het Sondag op ’n nuuskonferensie gesê lede van die publiek gedra hulle in die algemeen goed sedert die begin van die tweede been van die veldtog.

Hy het gesê hulle neem ’n beduidende vermindering waar in die aantal gevaarlike wapens wat Jan en Sus Alleman in hul besit het.

Twee onwettige shebeens is die afgelope week in Kuisebmond toegemaak, ses onwettige immigrante is aangekeer en een mens is weens beweerde dronkbestuur in hegtenis geneem.

Boetes ten bedrae van N$53 000 is uitgereik, het Gerber gesê.

Tydens die eerste been van Operasie Kalahariwoestyn vroeër vanjaar is mnr. Charlie Black, ’n 22-jarige Zimbabwiese taxibestuurder, in Windhoek doodgeskiet – glo deur ’n soldaat.

- [email protected]

Soortgelyk

 

Air Namibia bly in gevaar

3 ure gelede | Vervoer

Frank SteffenTwee dae voor Air Namibia se likwidasiesaak vandag in die hoërhof dien, het die Vereniging vir Suider-Afrikaanse Reisagente (Asata) ’n boodskap aan hul lede...

August 26 van korrupsie beskuldig

3 ure gelede | Ministeries

’n Reeds omstrede maatskappy wat aan die Namibiese weermag behoort, is opnuut in die beskuldigdebank.Dít kom nadat die amptelike opposisie, die Popular Democratic Movement (PDM),...

NBL vier 100 jaar van koue goues

3 ure gelede | In beeld

Namibia Breweries Limited (NBL), 'n filiaal van die Ohlthaver & List (O&L)-groep, vier vandag hulle 100ste bestaansjaar. Mnre. Herman Ohlthaver en Carl List het in...

Doeane konfiskeer skenking

3 ure gelede | Maatskaplik

Henriette Lamprecht – Meer as ’n jaar nadat Namibiese doeanebeamptes op 565 bokse met geskenkte sanitêre doekies, tweedehandse komberse en klere vir inwoners in uiterste...

Weer vir 29 Oktober 2020

3 ure gelede | Weer

BINNELAND: Gedeeltelik bewolk en warm tot baie warm met geïsoleerde donderbuie in die Suide. Elders sal dit gedeeltelik bewolk en baie tot bloedig warm wees...

Namibië Toerisme Ekspo om die draai

3 ure gelede | Gebeure

Die minister van die omgewing, bosbou en toerisme, mnr. Pohamba Shifeta (regs), het gister die Namibië Toerisme Ekspo 2020 amptelik bekend gestel. Die ekspo word...

Moderne forensiese fasiliteit ingewy

3 ure gelede | Polisie

Tanja BauseDie nuwe gebou waar die Namibiese polisie se Instituut vir Forensiese Wetenskap (NPFSI) gehuisves word, is gisteroggend amptelik deur pres. Hage Gein­gob in...

Sopnat verrassing!

3 ure gelede | Weer

Terwyl die weerstoestande oor die afgelope dae belowend oor die sentrale dele, die Ooste en selfs die kus vertoon het, bestaan daar steeds 'n kans...

Nghipunya bly agter tralies

3 ure gelede | Howe

Kristien Kruger – Die geskorste uitvoerende hoof van die National Fishing Corporation of Namibia (Fishcor), mnr. Mike Nghipunya (36), se appèl teen die besluit om...