Kafee maak plek vir ou bekende op Swakop

Die Lighthouse-groep het met konstruksiewerk aan 'n nuwe restaurant op Swakopmund begin. Die Strand Café, wat by die Mole geleë is, word tans in 'n 'nuwe' Lighthouse-restaurant omskep. Volgens die hoof uitvoerende beampte van die groep, mnr. Quinton Liebenberg, sal die projek vanjaar voltooi word. “Ons is opgewonde om nuwe lewe aan die Lighthouse-restaurant te gee en weer vir ons inwoners 'n bekostigbare familierestaurant by die strand te bied,” het hy gesê. Foto Jessica Botes