Kabinetskomitee nie beïndruk met TransNamib-sakeplan
TransNamib se direksievoorsitter het 'n beroep op pres. Hage Geingob gedoen om die staatsonderneming se sakeplan te steun.
Ogone Tlhage
Die TransNamib-direksie het tot dusver die wind van voor gekry met die beplande implementering van die nuwe strategiese sakeplan.
Die direksie het verlede week 'n welwillendheidsbesoek aan pres. Hage Geingob gebring om steun te werf vir die implementering van sy sakeplan, wat kritiek van 'n kabinetskomitee belas met die tesourie uitgelok het.
Deel van die plan is om ontslae te raak van nie-kernbates wat huise en die verkoop van die Swakopmund Hotel insluit, asook om weg te doen met die maatskappy se snelvrag-filiaalmaatskappye, Trans Hex en OPX.
Die direksie het die kabinetskomitee ook gevra om dit te oorweeg om 'n N$410 miljoen Chinese lening af te skryf.
Die voorsitter van die direksie, mnr. Paul Smit, het aan Geingob gesê dit is gebiedend noodsaaklik vir TransNamib om die sakeplan deur te voer indien welslae met die omkeerstrategie van die beleërde spoorwegoperateur behaal wil word.
“As ons nie hierdie besluite neem nie, is daar geen manier waarop ons TransNamib uit die huidige situasie kan neem nie,” het Smit gesê.
Ter motivering van die verkoop van nie-kernbates sê Smit die direksie het tot die gevolgtrekking gekom dat die eiendomme nie TransNamib se sakedoelwitte dien nie.
“Ons is van mening dat die eiendomme nie vir die volgende honderd jaar nodig sal wees nie. Ons kan sommige eiendomme verkoop, as die regering toestemming verleen. Die Swakopmund Hotel is een van die eiendomme,” het Smit gesê.
Hy het aan Geingob gesê die verkope sal nagenoeg N$800 miljoen oplewer. “Ons wil nie die eiendom onmiddellik verkoop nie.”
Die minister van finansies, mnr. Calle Schlettwein, het Geingob egter ingelig dat die kabinetskomitee belas met die tesourie bekommerd is oor TransNamib se beplande sakeplan. Hy sê indien die regering hom dadelik daartoe verbind, sou 'n kapitale inspuiting van N$4 miljard oor die volgende drie jaar nodig wees.
“Indien ons ja sê vir die sakeplan, sê ons ja vir 'n finansieringsplan van N$4 miljard oor drie jaar en dit bring 'n verbintenis mee,” het Schlettwein gesê.
Volgens Schlettwein het die kabinetskomitee nie onmiddellik die sakeplan goedgekeur nie, omdat daar sekerheid moet wees dat TransNamib wel 'n doeltreffende logistieke maatskappy kan word.
“Ons verkies 'n sakeplan wat ons aandui hoe om vrag per spoor mededingend te vervoer. Die tweede kwessie waarna ons gekyk het, is die voorstel om bates beter te benut. Ons het aangeneem dat nie alle bates dieselfde is nie. Wat is die waarde van hierdie bates en hoe gaan dit benut word?” het Schlettwein gesê.
Oor die Chinese lening het die kabinetskomitee bevind dat dit nie belangrik is nie.
“Ons is nie seker of dit 'n prioriteit is nie en of die N$410 miljoen nie anders bestee kan word nie. Ongelukkig is daar ander prioriteite en dit is nie 'n saak van lewe of dood nie,” het Schlettwein gesê.
Voort sê hy daar is voorgestel dat 'n bevoegde hoofbestuurder aangestel word om die sakeplan te implementeer. 'n Voorlegging oor die hoofbestuurder is aan die kabinet gemaak en 'n aankondiging sal eersdaags gemaak word.
In sy reaksie op die aangeleentheid het die minister van staatsondernemings, mnr. Leon Jooste, gesê daar is nie 'n manier waarop die kabinet die sakeplan goedsmoeds sal goedkeur nie.
“Die dae van sakeplanne goedkeur waarvan ons nie seker is nie, is iets van die verlede,” het Jooste gesê
Volgens hom is dit noodsaaklik dat die direksie se samestelling versterk word. Dit het ook tydens die bespreking met Geingob aan die lig gekom dat sommige personeellede meer inskiklik vir die gedagte van vroeë aftrede is, met die TransNamib-direksielid mnr. Micheal Ochurub wat gesê het N$135 miljoen sou nodig wees vir “aangename aftreepakkette”.
TransNamib skuld General Electric N$10 miljoen vir die aankoop van lokomotiewe en TransNet N$100 miljoen vir die huur van lokomotiewe.
Die TransNamib-direksie het tot dusver die wind van voor gekry met die beplande implementering van die nuwe strategiese sakeplan.
Die direksie het verlede week 'n welwillendheidsbesoek aan pres. Hage Geingob gebring om steun te werf vir die implementering van sy sakeplan, wat kritiek van 'n kabinetskomitee belas met die tesourie uitgelok het.
Deel van die plan is om ontslae te raak van nie-kernbates wat huise en die verkoop van die Swakopmund Hotel insluit, asook om weg te doen met die maatskappy se snelvrag-filiaalmaatskappye, Trans Hex en OPX.
Die direksie het die kabinetskomitee ook gevra om dit te oorweeg om 'n N$410 miljoen Chinese lening af te skryf.
Die voorsitter van die direksie, mnr. Paul Smit, het aan Geingob gesê dit is gebiedend noodsaaklik vir TransNamib om die sakeplan deur te voer indien welslae met die omkeerstrategie van die beleërde spoorwegoperateur behaal wil word.
“As ons nie hierdie besluite neem nie, is daar geen manier waarop ons TransNamib uit die huidige situasie kan neem nie,” het Smit gesê.
Ter motivering van die verkoop van nie-kernbates sê Smit die direksie het tot die gevolgtrekking gekom dat die eiendomme nie TransNamib se sakedoelwitte dien nie.
“Ons is van mening dat die eiendomme nie vir die volgende honderd jaar nodig sal wees nie. Ons kan sommige eiendomme verkoop, as die regering toestemming verleen. Die Swakopmund Hotel is een van die eiendomme,” het Smit gesê.
Hy het aan Geingob gesê die verkope sal nagenoeg N$800 miljoen oplewer. “Ons wil nie die eiendom onmiddellik verkoop nie.”
Die minister van finansies, mnr. Calle Schlettwein, het Geingob egter ingelig dat die kabinetskomitee belas met die tesourie bekommerd is oor TransNamib se beplande sakeplan. Hy sê indien die regering hom dadelik daartoe verbind, sou 'n kapitale inspuiting van N$4 miljard oor die volgende drie jaar nodig wees.
“Indien ons ja sê vir die sakeplan, sê ons ja vir 'n finansieringsplan van N$4 miljard oor drie jaar en dit bring 'n verbintenis mee,” het Schlettwein gesê.
Volgens Schlettwein het die kabinetskomitee nie onmiddellik die sakeplan goedgekeur nie, omdat daar sekerheid moet wees dat TransNamib wel 'n doeltreffende logistieke maatskappy kan word.
“Ons verkies 'n sakeplan wat ons aandui hoe om vrag per spoor mededingend te vervoer. Die tweede kwessie waarna ons gekyk het, is die voorstel om bates beter te benut. Ons het aangeneem dat nie alle bates dieselfde is nie. Wat is die waarde van hierdie bates en hoe gaan dit benut word?” het Schlettwein gesê.
Oor die Chinese lening het die kabinetskomitee bevind dat dit nie belangrik is nie.
“Ons is nie seker of dit 'n prioriteit is nie en of die N$410 miljoen nie anders bestee kan word nie. Ongelukkig is daar ander prioriteite en dit is nie 'n saak van lewe of dood nie,” het Schlettwein gesê.
Voort sê hy daar is voorgestel dat 'n bevoegde hoofbestuurder aangestel word om die sakeplan te implementeer. 'n Voorlegging oor die hoofbestuurder is aan die kabinet gemaak en 'n aankondiging sal eersdaags gemaak word.
In sy reaksie op die aangeleentheid het die minister van staatsondernemings, mnr. Leon Jooste, gesê daar is nie 'n manier waarop die kabinet die sakeplan goedsmoeds sal goedkeur nie.
“Die dae van sakeplanne goedkeur waarvan ons nie seker is nie, is iets van die verlede,” het Jooste gesê
Volgens hom is dit noodsaaklik dat die direksie se samestelling versterk word. Dit het ook tydens die bespreking met Geingob aan die lig gekom dat sommige personeellede meer inskiklik vir die gedagte van vroeë aftrede is, met die TransNamib-direksielid mnr. Micheal Ochurub wat gesê het N$135 miljoen sou nodig wees vir “aangename aftreepakkette”.
TransNamib skuld General Electric N$10 miljoen vir die aankoop van lokomotiewe en TransNet N$100 miljoen vir die huur van lokomotiewe.
Kommentaar
Republikein
Geen kommentaar is op hierdie artikel gelaat nie