Kabinet klassifiseer sportkodes

Augetto Graig - Die kabinet het ? voorstel deur die ministerie van sport, jeug en nasionale diens goedgekeur om die 53 sportkodes in Namibië in nuwe kategorieë te verdeel.
Rugby, sokker en netbal word nou as nasionale sportkodes beskou en sal dus die grootse befondsing ontvang.
Daarna volg prioriteit-sportkodes wat atletiek, boks, stoei en die Paralimpiese Spele insluit.
Laastens volg die ontwikkelingsportkodes. In hierdie kategorie val krieket, gimnastiek, swem, boogskiet, hokkie, vlugbal, karate, skopboks en Oosterse gevegskuns, tennis, perdewedrenne, perdry, ys- en inlynhokkie, basketbal, muurbal en skiet.