Kaapse brande saai verwoesting

Verskeie geboue van die Universiteit van Kaapstad (UK) asook ander geskiedkundige geboue in die omgewing is gister in ’n brand in Kaapstad verwoes.Die brand het ’n deel van die Rhodes-restaurant en -teetuin by die Rhodes-gedenkteken verwoes, asook die geskiedkundige Mostert se Meul by Rhodes-rylaan langs die M3. Twee grasdakgeboue het ook in die slag gebly.Volgens Sanparke is meer as 400 ha grond tot dusver in die brand beskadig wat steeds op Tafelberg woed.Terwyl honderde brandbestryders werk om die vlamme onder beheer te bring word mense gevra om van die Tafelberg Nasionale Park af weg te bly.“Sanparke se veldwagters het vanoggend hul hande vol gehad by hul ingange om te keer dat gebruikers hul gewone daaglikse aktiwiteite in die Tafelberg Nasionale Park voortsit,” lui ’n verklaring van Rey Thakhuli, Sanparke se woordvoerder.Hy sê dat die personeel van die park hard daaraan werk om die vuur te blus en dat die meeste hulpbronne aan die brand gewy is.“As gebruikers nou probeer om soos gewoonlik te hardloop, fiets te ry of met hul honde te stap, sal ons nie in staat wees om ten volle op die brand te konsentreer nie.”Thakhuli versoek mense om weg te bly van die Nuweland-woud, Groote Schuur-landgoed, die Rhodes-gedenkteken, Duiwelspiek, Tafelbergweg, Vredehoek en Deer Park.“Dit sluit alle ontspanningsgebiede onder en bo Tafelbergweg in, wat tot verdere kennisgewing gesluit sal bly.”Hy sê dit is egter veilig om steeds gebiede in die suidelike en sentrale dele van die park te besoek, wat Silwermyn, Tokai, Boulders en Kaappunt insluit.“Diegene wat toegang tot Leeukop en Vlaeberg wil hê, moet die gebiede met omsigtigheid nader aangesien noodpersoneel in die omgewing besig is.”Intussen sê die drukgroep Friends of Table Mountain daar moet meer gedoen word om die “geen oop vure”-reël in die Tafelberg Nasionale Park af te dwing.Volgens die drukgroep was die oop vuur wat Sondag die brand veroorsaak het, maar een van vele wat daardie dag sonder toesig deur hawelose mense gelos is.Andy Davies, voorsitter van die drukgroep, het Maandagoggend gesê hy en al sy lede is hartseer om die berg te sien brand, glo as gevolg van nalatigheid.“In onlangse mediaberigte word genoem dat tot 60% van die brande op Tafelberg ontstaan nadat mense oop vure maak en dit net so los.“Volgens hom is daar Sondag minstens drie vure sonder toesig in Deer Park gelos wat aangemeld is aan die owerhede.Davies sê hulle verwelkom die inhegtenisname van ’n man vir brandstigting en sê hulle hoop daar word ’n sterk voorbeeld van die persoon gemaak.Intussen is verskeie paaie en die kabelspoor ook gesluit, asook die hoofkantoor van Media24 in Heerengracht. - Netwerk24Foto: Die historiese Mostert se Meul in Mowbray is ook vernietig. Die meul is in 1796 gebou en was die oudste en enigste volledig oorblywende windmeul in sy soort in Suid-Afrika. Foto Jaco Marais/Netwerk24

Kaapse brande saai verwoesting

Kommentaar

Republikein 2026-02-03

Meld asseblief aan om kommentaar te lewer

Kaapse brande saai verwoesting

Kommentaar

Republikein 2026-02-03

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.