Kaap Agri ondersteun DBV

Kaap Agri in samewerking met Montego SA het 100 sakke Monty & Me-hondekos ter waarde van N$25 000 aan die Diere­beskermingsvereniging van Namibië se takke geskenk. Dit volg nadat die Lüderitz-tak KaapAgri op Gobabis gekontak het met die versoek om enige geskeurde of beskadigde sakke hondekos aan die DBV te skenk. Kaap Agri het egter nuwe hondekos geskenk wat onder al die Namibiese takke verdeel sal word. Agter van links is mnre. Martin Izaaks, Bertus Byleveld, Werner Kruger, Flip du Plessis (Kaap Agri-bestuurder van Gobabis), Sakkie Luther (Montego SA) en me. Sylvia Breitenstein (DBV Windhoek se takbestuurder). Voor sit twee vrywillige DBV-werkers saam met van die honde. Foto verskaf