Kaalkiekies saai amok aanlyn

Tien selfdoodpogings

08 August 2019 | Misdaad
Denver Kisting



So onlangs soos gisteroggend moes die stadspolisie in Windhoek hulle na 'n toneel haas nadat 'n vrou haar lewe probeer neem het weens gelekte kaalfoto's.

Die afgelope minder as drie weke alleen wou minstens 10 vroue in die hoofstad hul lewe neem ná eksminnaars gedreig het om kaalfoto's van hulle in die sosiale media te deel.

Konst. Felisiana Tyiwana, 'n woordvoerder van die stadspolisie, het gisteroggend tydens die ontbytprogram Good Morning Namibia op NBC kommer uitgespreek oor wat die owerhede as 'n toename in dié tendens bestempel.

“Dit is baie ernstig,” het Tyiwana gesê.

Sy het 'n streng waarskuwing uitgereik aan veral vroue om nie naakfoto's of -video's met hul minnaars te deel nie. Dit is beter om jou minnaar regstreeks te sien as om naakbeeldmateriaal uit te ruil en dit in 'n latere stadium te berou, meen sy.

Die gevaar is dat dit uitgelek kan word wanneer die verhouding op die rotse beland, het Tyiwana gesê.

Republikein verneem 'n vrou moes onlangs gewaarsku word om op te hou om 'n bekende dokter vir geld af te pers.

Dié getroude mediese praktisyn het glo kaalfoto's met die vrou, wat hy op Facebook ontmoet het, gedeel en moes gevolglik herhaalde kere opdok om te verhoed dat sy hul korrespondensie aan die groot klok hang.

Die vrou het ná die waarskuwing deur die owerhede glo opgehou om die dokter vir geld te melk.

Hy wou na wat verneem word vanweë sy posisie en huwelikstatus nie 'n ­strafregtelike klag teen haar aanhangig maak nie.

In een van die ander voorvalle wou 'n vrou haar lewe beëindig nadat die getroude man, met wie sy intieme beeldmateriaal en boodskappe gedeel het, se vrou die geheime gesprekke ontdek het.

Die man se vrou het na bewering skermgrepe van die korrespondensie tussen haar man en die vrou, glo 'n grootkop by haar werkgewer, geneem en het gedreig om dit in sosiale media te deel.

Selfdood eis jaarliks honderde mense in Namibië.

Tussen Januarie 2017 en Februarie verlede jaar het 496 mense in die land aan hul eie hand gesterf.

'n Geestesgesondheidskenner, dr. Shaun Whittaker, het vroeër gesê die land benodig 'n sentrum wat op selfdoodvoorkoming fokus.

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...