Jy kan nou alle kunsskatte in Louvre self bekyk
’n Besoek aan die Louvre-museum in Parys, Frankryk, is vir baie nie beskore nie. Die Covid-19-pandemie het veroorsaak dat baie museums gesluit is, maar platsak reisigers kan nie altyd toegangsgelde betaal of wat nog te sê reis nie.
Die goeie nuus is dat dié museum, baie gesog onder kunsliefhebbers, hul hele kunsversameling aanlyn beskikbaar gestel het. En dit is verniet, ja, gratis!
Dit gaan ’n tydjie neem om jou te verlustig in die nagenoeg 500 000 kunswerke en beelde, wat die gewilde trekpleisters die Mona Lisa van Leonardo da Vinci en die antieke beeld die Venus de Milo, insluit.
Op die webtuiste collections.louvre.fr, word ál die werke in die museum vir die eerste keer saamgetrek. Die platform is ’n visuele fees en kykers kan klik op bykomende inligting om die werke toe te lig.
Op die webtuiste vir versamelings in die Louvre, collections.louvre.fr, kan vakkundiges sowel as amateurs gaan kuier. Hier is werke van die Louvre, die Delacroix-museum, asook die beelde in die Tuileries-tuin en die Carrousel vir kykplesier beskikbaar.
Ingesluit is ook menige werke wat in Duitsland opgespoor is ná die Tweede Wêreldoorlog, wat in die Louvre se bewaring is totdat die regmatige eienaars opgespoor word.
Luidens ’n verklaring op die webtuiste van die museum is dit nou vir die eerste keer moontlik om werke in die Louvre se versamelings te besigtig, al is dit uitgeleen aan ander instellings of in die bergingsruimte. Die kyker het verskeie moontlikhede en invalshoeke tot elke versameling, daar is ruimte gelaat vir vinnige sowel as gedetailleerde soektogte, en daar is ook toegang tot die onderskeie departemente en tematiese albums waardeur geblaai kan word met net die klik van ’n rekenaarmuis.
’n Interaktiewe kaart help die kyker om te beplan vir sy besoek en ook om die museum kamer vir kamer te verken. Luidens die verklaring gaan die inligting op die webtuistes die heeltyd aangepas en verryk word deur die museum se personeel om ook die jongste navorsing oor die kunswerke beskikbaar te maak.
Op die derde webtuiste, die louvre.fr, kan besoekers kuier onder drie verskillende hofies: “besoek”, “ontdek” en “op die oomblik”. Die webtuistes maak voorsiening vir Frans, Engels, Spaans en Chinees.
Benewens foto’s is video’s ook beskikbaar wat op slimfone en rekenaars besigtig kan word.
“Die skoonheid van ons erfenis is net ’n klik weg. Ek glo dat die digitale ontwikkeling groter gehore na die Louvre toe sal bring om die werke eerstehands te beleef,” sê Jean-Luc Martinez, president en direkteur van die Louvre-museum. - Netwerk24
Die goeie nuus is dat dié museum, baie gesog onder kunsliefhebbers, hul hele kunsversameling aanlyn beskikbaar gestel het. En dit is verniet, ja, gratis!
Dit gaan ’n tydjie neem om jou te verlustig in die nagenoeg 500 000 kunswerke en beelde, wat die gewilde trekpleisters die Mona Lisa van Leonardo da Vinci en die antieke beeld die Venus de Milo, insluit.
Op die webtuiste collections.louvre.fr, word ál die werke in die museum vir die eerste keer saamgetrek. Die platform is ’n visuele fees en kykers kan klik op bykomende inligting om die werke toe te lig.
Op die webtuiste vir versamelings in die Louvre, collections.louvre.fr, kan vakkundiges sowel as amateurs gaan kuier. Hier is werke van die Louvre, die Delacroix-museum, asook die beelde in die Tuileries-tuin en die Carrousel vir kykplesier beskikbaar.
Ingesluit is ook menige werke wat in Duitsland opgespoor is ná die Tweede Wêreldoorlog, wat in die Louvre se bewaring is totdat die regmatige eienaars opgespoor word.
Luidens ’n verklaring op die webtuiste van die museum is dit nou vir die eerste keer moontlik om werke in die Louvre se versamelings te besigtig, al is dit uitgeleen aan ander instellings of in die bergingsruimte. Die kyker het verskeie moontlikhede en invalshoeke tot elke versameling, daar is ruimte gelaat vir vinnige sowel as gedetailleerde soektogte, en daar is ook toegang tot die onderskeie departemente en tematiese albums waardeur geblaai kan word met net die klik van ’n rekenaarmuis.
’n Interaktiewe kaart help die kyker om te beplan vir sy besoek en ook om die museum kamer vir kamer te verken. Luidens die verklaring gaan die inligting op die webtuistes die heeltyd aangepas en verryk word deur die museum se personeel om ook die jongste navorsing oor die kunswerke beskikbaar te maak.
Op die derde webtuiste, die louvre.fr, kan besoekers kuier onder drie verskillende hofies: “besoek”, “ontdek” en “op die oomblik”. Die webtuistes maak voorsiening vir Frans, Engels, Spaans en Chinees.
Benewens foto’s is video’s ook beskikbaar wat op slimfone en rekenaars besigtig kan word.
“Die skoonheid van ons erfenis is net ’n klik weg. Ek glo dat die digitale ontwikkeling groter gehore na die Louvre toe sal bring om die werke eerstehands te beleef,” sê Jean-Luc Martinez, president en direkteur van die Louvre-museum. - Netwerk24
Kommentaar
Republikein
Geen kommentaar is op hierdie artikel gelaat nie