Junior Bokke net-net Argentyne se baas

Marnus Kok – Ondanks ’n kleitrappery in die skrums in die eerste helfte, het die Junior Bokke daarin geslaag om Argentinië Woensdag in ’n sopnat Stellenbosch te klop.Suid-Afrika het drie drieë gedruk om met 33-26 te wen. Daar was tye in veral die eerste helfte dat die besoekers die Junior Bokke in die skrums behoorlik in trurat gehad het.Boonop het die Argentyne soms meters veld gewen met rolmaalbewegings, hoewel Suid-Afrika dit darem van tyd tot tyd ook doeltreffend gestuit het.Een van die redes waarom die Junior Bokke wel gewen het, is danksy hul goeie verdediging. Spelers soos Henco van Wyk (senter) en Canan Moodie (vleuel) het skoppe opgevolg dat dit klap en die besoekers onder druk gesit wanneer hulle die bal in die hand gehad het.Voeg daarby Jordan Hendrikse (losskakel) wat in die eerste helfte ’n duikslag by geleentheid uitgevoer het om Argentinië te verhoed om ’n drie te druk.Teen rustyd was die telling 17-13 in die tuisspan se guns. In die eerste helfte het die Junior Bokke soms gevaarlik met die bal in die hand gelyk, met Van Wyk en Moodie (vleuel) wat die tuisspan se drieë in die eerste 40 minute gedruk het.Tog was daar kwelpunte. Benewens die aanvanklike gesukkel in die skrums, was alles ook nie heeltemal pluis met die tuisspan se lynstane nie.Dat daar hanteerfoute was, is te verwagte gegewe die nat veld.In die tweede helfte het dinge stukke beter in die skrums vir die Suid-Afrikaners gegaan.Dit het die Junior Bokke balbesit op die voorvoet gegee, wat ’n reuse-aandeel in Moodie se tweede drie gehad het. Die bal het deur die agterlyn se hande gegaan, met Moodie wat in die hoekie afgerond het – pure plesier!Kort voor die einde het die besoekers alles in die stryd gewerp om ’n sege te probeer verseker – of minstens die wedstryd te laat gelykop eindig. Die Junior Bokke se verdediging het egter gehou.Verskeie spelers het uitgeblink. Benewens Van Wyk se spel op die verdediging, was hy ook gevaarlik op die aanval. Dan het Moodie en Hendrikse, wat 18 punte met sy skopvoet bygedra het, ook goeie spel gelewer.• PuntemakersJunior Bokke 33 (17) – Drieë: Henco van Wyk en Canan Moodie (2). Doelskoppe: Jordan Hendrikse (3). Strafdoele: Hendrikse (4).Argentinië 26 (13) – Drieë: Bautista Bernasconi en Martin Vaca. Doelskoppe: Ramiro Waisberg (2). Strafdoele: Waisberg (4).• In die ander wedstryd Woensdag het Uruguay Georgië met 20-15 geklop. – Netwerk24FOTOHenco van Wyk, senter van die Junior Bokke, duik oor vir sy drie. Foto Jaco MaraisJordan Hendrikse het 18 punte met sy skopvoet bygedra. Foto Jaco Marais

Junior Bokke net-net Argentyne se baas

Kommentaar

Republikein 2025-09-03

Meld asseblief aan om kommentaar te lewer

Junior Bokke net-net Argentyne se baas

Kommentaar

Republikein 2025-09-03

Meld asseblief aan om kommentaar te lewer

MELD AAN

Advertensie