JSE gou twee vismaatskappye ryker

Nellie Brand-Jonker - Die JSE gaan binnekort twee vismaatskappye ryker word met die bekende Sea Harvest-groep en Premier Fishing se moedermaatskappy wat albei beoog om in Maart te noteer.Sea Harvest is beter aan Suid-Afrikaners bekend vir sy bevrore visprodukte en staan as die grootste werkskepper langs die Weskus in die buurland bekend.Die nuus van sy notering is gisteroggend deur die swart beleggingsgroep Brimstone van Kaapstad aangekondig wat die beherende belang in Sea Harvest hou.Sea Harvest wil sowat R1,5 miljard in ’n private plasing van aandele met die notering insamel.Mustaq Brey, uitvoerende hoof van Brimstone, sê Sea Harvest gaan hopelik voor einde Maart noteer en met notering na verwagting ’n markwaarde van meer as R3 miljard hê.Hy glo nie daar gaan ’n tekort aan belangstelling in twee vismaatskappye wees wat in dieselfde maand noteer nie omdat nie sulke groot bedrae ter sprake is nie.Die plasing gaan aan instellings en private beleggers gedoen word.Swart nyweraarsBrey sê Brimstone verkoop geen aandele nie, maar gaan verwater word van 85% om ná notering ’n belang van meer as 50% te hou.Fred Robertson, voorsitter van Brimstone en Sea Harvest, meen die notering gaan stukrag gee aan transformasie in Suid-Afrika en die regering se strategie om die aantal swart nyweraars in Suid-Afrika te vermeerder.Die notering word beskryf as die vorming van die eerste werklike swart industriële vismaatskappy.“Ons is al 19 jaar deel van die maatskappy en om te noteer is die volgende fase in die skep van swart nyweraars,” sê Robertson.Die kapitaal wat ingesamel word, sal gebruik word om Sea Harvest se skuld terug te betaal en vir verkrygings en interne groei.Sowat R500 miljoen daarvan gaan terug na Brimstone.Sedert 2009 toe Brimstone beheer verkry het, het hy R776 miljoen in die maatskappy belê.Net in die afgelope twee jaar is R300 miljoen bestee aan nuwe vaartuie en infrastruktuur.Die verbetering in doeltreffendheid het gelei tot winsmarges wat verhoog het.Volgens Robertson het dit regstreeks tot meer werkskepping bygedra.Die kapitaal is ook gebruik om ’n beherende belang in die genoteerde Australiese vismaatskappy Mareterram te koop.“Die notering sal die groep voortgesette toegang gee tot nasionale en internasionale aandeelkapitaal en die maatskappy in staat stel om verder in sy mense, vaartuie, fabrieke en markte te belê om marges in ’n aantreklike internasionale seekosmark te verbeter,” sê Felix Ratheb, uitvoerende hoof.Die groep se saamgestelde jaarlikse groeikoers in sy inkomste die afgelope vyf jaar was 15% terwyl die bedryfswins (uitgesluit finansieringskoste en waardevermindering) 22% is.In die tydperk het sy bedryfswinsmarge (uitgesluit finansieringskoste en waardevermindering) tot 19% verhoog.Die notering is aan die goedkeuring van die meerderheid van Brimstone se aandeelhouers en die JSE onderhewig.’n Algemene vergadering van Brimstone se aandeelhouers vind op 9 Maart plaas.Premier FishingDie genoteerde swartbemagtigingsgroep African Equity Empowerment Investments (AEEI) het ook vandeesweek in ’n nuusbrief aan beleggers gesê sy filiaal Premier Food & Fishing (PFF) se notering word begin Maart beoog.Netwerk24 het reeds in November berig AEEI beoog om sy filiaal te noteer en ’n notering word in die eerste kwartaal beoog.PFF besit Premier Fishing wat 50 jaar oud is.Sowat R527 miljoen gaan met die notering ingesamel word.Sy markwaarde gaan na verwagting R1,17 miljard wees.Die beherende aandeelhouer in AEEI is Sekunjalo, wat deur die Kaapse sakeman Iqbal Survé gestig is.Die maatskappy het ook in die verklaring gesê die notering sal hom toegang tot kapitaal gee om organies en deur verkrygings te groei.AEEI gaan die beherende belang ná notering behou.PFF hou volgende week inligtingsvergaderings met beleggers en sy boekbou vind op 20 en 21 Februarie plaas. – Netwerk24

JSE gou twee vismaatskappye ryker

Kommentaar

Republikein 2025-08-05

Meld asseblief aan om kommentaar te lewer

JSE gou twee vismaatskappye ryker

Kommentaar

Republikein 2025-08-05

Meld asseblief aan om kommentaar te lewer

MELD AAN

Advertensie