Jong Warriors sal nou vroeër opdraf
Die afskoptyd by die Sam Nujoma-stadion waar Namibië se onder 20-sokkerspan se kwalifiserende wedstryd teen Swaziland vir die 2017 CAF Afrika Nasiesbeker (in Zambië) vandag plaasvind, is tot 15:00 vervroeg.
Barry Rukoro, sekretaris-generaal van die Namibiese Sokkervereniging (NSV), het die besluit bevestig nadat vasgestel is dat dié stadion se spreiligte steeds lol.
“Die afskop sou aanvanklik om 16:00 gewees het, maar nadat ons verskeie faktore in ag geneem het, is besluit om veilig te speel en spel ’n uur vroeër te begin.
“Andersins gaan alles voort soos beplan was. Die seuns is opgewonde en klink positief vir die uitdaging wat voorlê. Swaziland het Woensdag in die hoofstad aangekom en sal ’n harde neut wees om te kraak. Ons span sal egter alles in die stryd werp om ’n oorwinning te bewerkstellig om tot die volgende rondte deur te dring,” het Rukoro verduidelik.
Pandeni Kandjabanga, die kaptein van die Jong Warriors, het sokkerliefhebbers aangemoedig hulle moet gaan ondersteun.
“Ons sien altyd ’n groot skare wanneer die Brave Warriors hier speel en ek wil daardie selfde mense vra om ons te kom aanspoor. Die toegang is gratis en ons almal sal dit geweldig waardeer as ons deur hulle gemotiveer kan word om beter te vaar.
“Die span het ’n lang pad gestap en al weet ons wat dit gaan verg, sal dit steeds lekker wees om voor ’n waarderende skare ons spelpeil te lig. Kom asseblief om 15:00 na die Sam Nujoma-stadion en ondersteun ons,” het die kaptein gevra.
Die Warriors het twee weke gelede gelykop teen Swaziland (2-2) in die wegwedstryd gespeel. Vandag het die Warriors die tuisvoordeel en die wenspan sal in die volgende rondte teen Suid-Afrika meeding.
Die span wat deur Gerhard Günter afgerig word is: Donovan Gainub, Vipua Tjimune, Kennedy Eib, Baloyi Tsandib, Johannes Kwedhi, Giovanni Nauseb, Katiti Hakuria, Pandeni Kandjabanga (kapt), Romeo Kasume, Jürgen van der Byl, Boni Paulino, Leonard Tuhafeni, Hiha Katjivena, Petrus Kamati, Ruhwal McLobo, Anthony Kham, Bertoni du Toit, Alli Klokoski, George Hummel, Venovineja Tjikundi.
Barry Rukoro, sekretaris-generaal van die Namibiese Sokkervereniging (NSV), het die besluit bevestig nadat vasgestel is dat dié stadion se spreiligte steeds lol.
“Die afskop sou aanvanklik om 16:00 gewees het, maar nadat ons verskeie faktore in ag geneem het, is besluit om veilig te speel en spel ’n uur vroeër te begin.
“Andersins gaan alles voort soos beplan was. Die seuns is opgewonde en klink positief vir die uitdaging wat voorlê. Swaziland het Woensdag in die hoofstad aangekom en sal ’n harde neut wees om te kraak. Ons span sal egter alles in die stryd werp om ’n oorwinning te bewerkstellig om tot die volgende rondte deur te dring,” het Rukoro verduidelik.
Pandeni Kandjabanga, die kaptein van die Jong Warriors, het sokkerliefhebbers aangemoedig hulle moet gaan ondersteun.
“Ons sien altyd ’n groot skare wanneer die Brave Warriors hier speel en ek wil daardie selfde mense vra om ons te kom aanspoor. Die toegang is gratis en ons almal sal dit geweldig waardeer as ons deur hulle gemotiveer kan word om beter te vaar.
“Die span het ’n lang pad gestap en al weet ons wat dit gaan verg, sal dit steeds lekker wees om voor ’n waarderende skare ons spelpeil te lig. Kom asseblief om 15:00 na die Sam Nujoma-stadion en ondersteun ons,” het die kaptein gevra.
Die Warriors het twee weke gelede gelykop teen Swaziland (2-2) in die wegwedstryd gespeel. Vandag het die Warriors die tuisvoordeel en die wenspan sal in die volgende rondte teen Suid-Afrika meeding.
Die span wat deur Gerhard Günter afgerig word is: Donovan Gainub, Vipua Tjimune, Kennedy Eib, Baloyi Tsandib, Johannes Kwedhi, Giovanni Nauseb, Katiti Hakuria, Pandeni Kandjabanga (kapt), Romeo Kasume, Jürgen van der Byl, Boni Paulino, Leonard Tuhafeni, Hiha Katjivena, Petrus Kamati, Ruhwal McLobo, Anthony Kham, Bertoni du Toit, Alli Klokoski, George Hummel, Venovineja Tjikundi.
Kommentaar
Republikein
Geen kommentaar is op hierdie artikel gelaat nie