Jong Warriors na RSA vir Cosafa-terugkeer

Afrigter James Britz het die finale snoeiwerk gedoen om sy toergroep van 20 spelers aan te kondig vir die 2020 Cosafa onder 20-manskampioenskap wat van 3 tot 13 Desember in Nelson Mandelabaai in Suid-Afrika aangebied word. Die jaarlikse streeksokkertoernooi dien ook as ’n uitduntoernooi vir volgende jaar se onder 20 Afrika Nasiesbeker. Die twee finaliste sal tot die kontinentale skouspel deurdring wat bestem is om in Mauritanië aangebied te word.Namibië maak sy terugkeer tot die kompetisie nadat hy verlede jaar se weergawe misgeloop het en bevind hom in ’n uitdagende groep wat ook Zambië (heersende titelhouer), Malawi en Comore insluit. Net die topspan in elk van die drie groepe, asook die beste tweede geplaaste span vorder na die semifinaal.“Al is ons in ’n taai groep saam met die verdedigende kampioen Zambië, glo ek sterk dat die spelers in ons huidige groep in staat is om ons eerste doelwit te bereik, naamlik om vir die halfeindronde te kwalifiseer.“Ons wedstrydplan word min beïnvloed deur hoe sterk die opposisie is. Die jongmanne het selfvertroue en die spangees is goed. Ons het een goeie speler verloor wie se reisdokumente nie gereed is nie, maar afgesien daarvan is ons slaggereed,” het Britz gesê.Die afrigter sê die meeste van sy spanlede het reeds verlede jaar in die Cosafa o.17-toernooi goeie samespel gelewer, insluitend Prins Tjueza wat die kompetisie se voorste doelskieter was.Die Namibiërs vertrek Dinsdag na die buurland en open hul toernooi Vrydag teen die gunsteling Zambië. Drie dae later speel hulle teen Malawi en eindig hul groepverpligtinge op 9 Desember teen Comore.Die finale Jong Warriors toergroep is: Rogiano Goagoseb, Tully Nashixua, Immnauel Hamunyela, Promise Gurirab, Jovane Narib, Tuhafeni Ananias David, Xavier McClune, Denzil Narib, Steven Damaseb, Prins Tjiueza, Edmar Kamatuka, Giovanni Kaninab, Pitsi Ameb, Carl Tjipe Karuuombe, Junhino Jantze, Ronin Berendt, Ngazikue Kandetu, Romeo Amon, Ruhuka Ngatangwe, Amazing Kandjii. – NFA.org.na

Jong Warriors na RSA vir Cosafa-terugkeer

Kommentaar

Republikein 2025-12-17

Meld asseblief aan om kommentaar te lewer

Jong Warriors na RSA vir Cosafa-terugkeer

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.