Jong vrou beskuldig van moord
’n 26-jarige vrou is in hegtenis geneem in verband met die moord op ’n familielid se kêrel ná sy hom glo met ’n mes doodgesteek het.
Volgens die Namibiese polisie se misdaadverslag het die voorval Saterdag omstreeks 22:00 in die Nai-Aib- informele nedersetting op Okahandja plaasgevind.
Die verdagte was na bewering besig om aartappels te skil toe die familielid en haar kêrel begin stry het. Sy het glo die bakleiery probeer uitmekaarmaak toe die man haar slaan. Sy het hom glo daarna met die mes, waarmee sy besig was om aartappels te skil, doodgesteek. Die oorledene is mnr. Gerhard Ganuseb (32). Die polisieondersoek duur voort.
Verdagte op vlug
’n 30-jarige man is Saterdag omstreeks 23:40 in die Havana- informele nedersetting in Wanaheda vermoor. Mnr. Erasmus Mukwiilongo is glo verskeie kere met ’n mes gesteek ná ’n bakleiery tussen hom en die verdagte uitgebreek het.
“Die 36-jarige verdagte het gevlug en is nog nie in hegtenis geneem nie,” lui die verslag.
Sekuriteitswag skiet glo man
’n Sekuriteitswag het na bewering ’n man met ’n 9 mm-pistool doodgeskiet. Hy is glo opslag dood.
Die voorval het Saterdag omstreeks 00:46 by die King Filling-stasie by die Olumbongo- informele nedersetting op Onayena plaasgevind. Die verdagte is in hegtenis geneem.
Poging tot moord
’n 27-jarige man is glo Sondagaand by die Oshuungu- informele nedersetting op Oshikuku in die Omusatistreek met ’n mes in die regter oog gesteek.
“Die man het ernstige beserings opgedoen. Die motief is steeds onduidelik. Niemand is nog in hegtenis geneem nie,” lui die verslag.
Volgens die Namibiese polisie se misdaadverslag het die voorval Saterdag omstreeks 22:00 in die Nai-Aib- informele nedersetting op Okahandja plaasgevind.
Die verdagte was na bewering besig om aartappels te skil toe die familielid en haar kêrel begin stry het. Sy het glo die bakleiery probeer uitmekaarmaak toe die man haar slaan. Sy het hom glo daarna met die mes, waarmee sy besig was om aartappels te skil, doodgesteek. Die oorledene is mnr. Gerhard Ganuseb (32). Die polisieondersoek duur voort.
Verdagte op vlug
’n 30-jarige man is Saterdag omstreeks 23:40 in die Havana- informele nedersetting in Wanaheda vermoor. Mnr. Erasmus Mukwiilongo is glo verskeie kere met ’n mes gesteek ná ’n bakleiery tussen hom en die verdagte uitgebreek het.
“Die 36-jarige verdagte het gevlug en is nog nie in hegtenis geneem nie,” lui die verslag.
Sekuriteitswag skiet glo man
’n Sekuriteitswag het na bewering ’n man met ’n 9 mm-pistool doodgeskiet. Hy is glo opslag dood.
Die voorval het Saterdag omstreeks 00:46 by die King Filling-stasie by die Olumbongo- informele nedersetting op Onayena plaasgevind. Die verdagte is in hegtenis geneem.
Poging tot moord
’n 27-jarige man is glo Sondagaand by die Oshuungu- informele nedersetting op Oshikuku in die Omusatistreek met ’n mes in die regter oog gesteek.
“Die man het ernstige beserings opgedoen. Die motief is steeds onduidelik. Niemand is nog in hegtenis geneem nie,” lui die verslag.
Kommentaar
Republikein
Geen kommentaar is op hierdie artikel gelaat nie