Jong Pierre se droom begin mooi vlamvat
'n Eerste plek by Zwartkops was net die regte medisyne om hom terug op die regte pad te plaas.
Andrew Poolman - Ondanks die geweldige koste wat met sy droom gepaard gaan, is ’n jong Windhoeker vasberade om sy lewensideaal te verwesenlik om sy merk in supermotorfietsry op die hoogste vlak te maak.
Pierre Grobler (25) het twee naweke gelede by die Zwartkops resiesbaan in Gauteng sommer met die intrapslag ’n indrukwekkende vertoning by die Bridgestone Challenge-byeenkoms gelewer.
Daar was twee kwalifiserende uitdunne, op die baan van 2,4 kilometer waarop die 32 jaers sake oor tien rondtes moes uitspook.
In die eerste uitdun was Grobler op sy Kawasaki ZX10 vir ’n lang tyd in die vierde posisie, voordat daar “komplikasies” was en hy sesde klaargemaak het.
Gevolglik was hy in die sesde wegspringposisie vir die hoofresies vir die kwalifiserende groep.
Binne die eerste twee baanrondtes het Grobler sy kans aangegryp om die eerste posisie in te neem en het dit enduit behou om vooraan oor die eindstreep te jaag.
Met dié prestasie is die Namibiër reeds opgeskuif om wanneer hy aan die volgende byeenkoms in die Suid-Afrikaanse reeks op 29 April meeding, saam met die hoër kategorie vinniger jaers geplaas te word.
Sy droom om die hoogste moontlike vlak in motorfietsry te bereik, het dus gestalte begin kry. Hy is dus gemotiveerd om in vanjaar se SA reeks enduit te bly deelneem.
Dit bly maar ’n duur sport en tot dusver het sy pa Pieter vir ’n groot deel van die koste ingestaan.
Oor die volgende jaar of twee wil hy tussen sy werkverpligtinge deur meer ernstig oefen en gereeld aan groot byeenkomste deelneem om sy pad op te werk na die GP-klas vir gemodifiseerde motorfietse waarin sy mede-Namibiër Ronald Slamet ook reeds ’n gevestigde naam is.
Die gebore Windhoeker wat sy hoërskoolloopbaan by HTS Drostdy op Worcester voltooi het, het daarna teruggekeer en as ’n passer en draaier by Paco Engineering begin werk het. Sy pa het vir hom ’n 600cc motorfiets gekoop waarmee hy aan die resiese by die Tony Rust-renbaan begin deelneem het.
In sy tweede jaar van kompetisie het hy die Namibiese kampioenskap gewen, maar in die proses was hy ook in ’n ernstige ongeluk met nog ’n jaer betrokke. Die nadraai was dat beide jaers ’n tyd lank uit deelname aan resiese by Tony Rust geskors was en sy passie vir die sport het toe ’n bietjie afgekoel.
Gedurende 2016 het hy weer begin ry en het ’n “oefenlopie” in Suid-Afrika onderneem. Dié deelname het suksesvol verloop en die saadjie is geplant vir korrespondensie met rolspelers in die sport wat hom opnuut gemotiveer het om sy doelwitte in die sport ernstig te benader.
Pierre Grobler (25) het twee naweke gelede by die Zwartkops resiesbaan in Gauteng sommer met die intrapslag ’n indrukwekkende vertoning by die Bridgestone Challenge-byeenkoms gelewer.
Daar was twee kwalifiserende uitdunne, op die baan van 2,4 kilometer waarop die 32 jaers sake oor tien rondtes moes uitspook.
In die eerste uitdun was Grobler op sy Kawasaki ZX10 vir ’n lang tyd in die vierde posisie, voordat daar “komplikasies” was en hy sesde klaargemaak het.
Gevolglik was hy in die sesde wegspringposisie vir die hoofresies vir die kwalifiserende groep.
Binne die eerste twee baanrondtes het Grobler sy kans aangegryp om die eerste posisie in te neem en het dit enduit behou om vooraan oor die eindstreep te jaag.
Met dié prestasie is die Namibiër reeds opgeskuif om wanneer hy aan die volgende byeenkoms in die Suid-Afrikaanse reeks op 29 April meeding, saam met die hoër kategorie vinniger jaers geplaas te word.
Sy droom om die hoogste moontlike vlak in motorfietsry te bereik, het dus gestalte begin kry. Hy is dus gemotiveerd om in vanjaar se SA reeks enduit te bly deelneem.
Dit bly maar ’n duur sport en tot dusver het sy pa Pieter vir ’n groot deel van die koste ingestaan.
Oor die volgende jaar of twee wil hy tussen sy werkverpligtinge deur meer ernstig oefen en gereeld aan groot byeenkomste deelneem om sy pad op te werk na die GP-klas vir gemodifiseerde motorfietse waarin sy mede-Namibiër Ronald Slamet ook reeds ’n gevestigde naam is.
Die gebore Windhoeker wat sy hoërskoolloopbaan by HTS Drostdy op Worcester voltooi het, het daarna teruggekeer en as ’n passer en draaier by Paco Engineering begin werk het. Sy pa het vir hom ’n 600cc motorfiets gekoop waarmee hy aan die resiese by die Tony Rust-renbaan begin deelneem het.
In sy tweede jaar van kompetisie het hy die Namibiese kampioenskap gewen, maar in die proses was hy ook in ’n ernstige ongeluk met nog ’n jaer betrokke. Die nadraai was dat beide jaers ’n tyd lank uit deelname aan resiese by Tony Rust geskors was en sy passie vir die sport het toe ’n bietjie afgekoel.
Gedurende 2016 het hy weer begin ry en het ’n “oefenlopie” in Suid-Afrika onderneem. Dié deelname het suksesvol verloop en die saadjie is geplant vir korrespondensie met rolspelers in die sport wat hom opnuut gemotiveer het om sy doelwitte in die sport ernstig te benader.
Kommentaar
Republikein
Geen kommentaar is op hierdie artikel gelaat nie