John Deere manne sê dankie

Hoffmanns Plaas Implemente word die afgelope 47 jaar deur gewaardeerde kliënte ondersteun. Jan en Daan van der Merwe bly voorlopig die eienaars totdat daar 'n beter en meer betroubare agentskap vir die John Deere-kliënte geskep kan word.

Intussen gaan alle dank aan ons Hemelse Vader vir Sy Seën en genade deur die goeie en moeilike 31-jaar van die Van Der Merwe-eienaarskap, sê die broers.

“Ons personeel se harde werk, toewyding en liefde vir die John Deere-produk het tot ons voordeel gestrek met rekordverkope van 133 trekkers hierdie jaar. Ons sê baie dankie daarvoor. Ons waardeer die ondersteuning van ons jare-oue kliënte en die nuwes wat John Deere-aanhangers geword het. Sonder julle ondersteuning en suksesverhale sou ons dit nie gemaak het nie.

“Ons dank aan ons kliënte wat Hoffmanns aan nuwe kliënte voorgestel het. Ons kliënte is die kern van ons sukses. Dank ook aan John Deere as maatskappy vir hulle volgehoue ondersteuning en ontwikkeling tot nuwe hoogtes. Ons wens almal 'n geseënde en voorspoedige nuwe jaar toe,” sê hulle.