Joernalis van VSA sterf in Suid-Soedan

Die Amerikaanse joernalis Christopher Allen, wat vir die nuusdiens Al Jazeera gewerk het, is Saterdag dood in gevegte tussen rebellemagte en regeringstroepe in die suide van Suid-Soedan, het leiers van die rebellemagte en die weermag gesê.Allen, wat in die verlede vir verskeie nuusagentskappe, insluitend Al Jazeera, gewerk het, het in hewige gevegte in die dorp Kaya in die Yei River-staat gesterf. Hy was saam met die rebellemagte ingegrawe. Minstens 19 mense is dood.“Daar is 16 lyke op die grond gevind rondom die defensiewe posisie van die SPLA, insluitende hierdie wit man,” het die militêre woordvoerder Santo Dominic Chol aan Reuters gesê met verwysing na die SPLA- nasionale weermag. Drie regeringsoldate is ook dood, het hy gesê.Lede van die rebellemagte het een van die lyke geïdentifiseer as dié van Allen, wat vir die afgelope week saam met hulle was. “Ons is jammer vir sy familie. Hy het hierheen gekom om ons storie te vertel,” het 'n rebellevegter gesê wat anoniem wou bly. Hy het gesê dat Allen in die middel van die geveg was en dat hy 'n onderbaadjie gedra het met die woord “PRESS” daarop.Die Amerikaanse ambassade in die land het Allen se dood bevestig en sê dat sy familie van sy dood in kennis gestel is.Nadat Suid-Soedan in 2011 onafhanklikheid van Soedan verkry het, het oorlog in Suid-Soedan uitgebreek met pres. Salva Kiir se soldate wat veg teen die magte van die rebelleleier en voormalige president, Riek Machar.In Augustus 2015 is 'n vredesooreenkoms aangegaan en Machar het na die hoofstad teruggekeer om saam met Kiir te regeer. Die ooreenkoms het egter skaars drie maande later in duie gestort en Machar en sy ondersteuners het uit die hoofstad gevlug.Tienduisende mense is reeds dood en meer as 3,5 miljoen mense moes vlug sedert die konflik weer uitgebreek het.– Netwerk24/Reuters

Joernalis van VSA sterf in Suid-Soedan

Kommentaar

Republikein 2025-07-01

Meld asseblief aan om kommentaar te lewer

Joernalis van VSA sterf in Suid-Soedan

Kommentaar

Republikein 2025-07-01

Meld asseblief aan om kommentaar te lewer

MELD AAN

Advertensie