Jewels geskok met spoed en finesse
Namibië sal in sy oorblywende wedstryde groot verbetering wil toon.
Tielman van Lill – Die Debmarine Desert Jewels moes gisteroggend in hul eerste toets teen die Suid-Afrikaanse Proteas met 58-30 die knie buig.
Ná 18 maande was dit die Namibiërs se eerste proesel internasionale netbal in Kaapstad by die Spar Drienasies-uitdaagtoernooi.
Die botsing is uit die staanspoor deur die Proteas oorheers, wat bykans een doel per minuut aangeteken het.
Die Suid-Afrikaners se posisionele spel, besluitneming, verdediging en blitsige hantering met min foute was die moedige Namibiërs se ondergang. Die feit dat Suid-Afrika 21 keer onderskep het teenoor Namibië se 12, vertel hoeveel skerper hulle op die baan was. Beide spanne se doelskieters was 83 persent akkuraat.
Hoewel die Juwele hul bes probeer het, is hulle oorskadu deur 'n span wat selfs sonder sy oorsese staatmakers en met vyf internasionale debutante oor hope ondervinding beskik.
Die Proteas het soos 'n sneltrein weggespring en gereeld besit by die Juwele gesteel en in punte omskep. Namibië het wel daarin geslaag om met bittermin balbesit vir die hele toets te veg. Die Namibiese vroue, aangevoer deur Jatjinda Kambatuku, is beslis fiks en sterk, maar hul speltempo, hantering, posisionele spel en besluitneming was merkbaar stadiger as hul teenstanders se blitsige reaksie.
Vandat die Proteas binne die eerste minuut hul openingsdoel aangeteken het, het hulle die voortou enduit behou. Namibië het vier minute geneem voordat sy eerste doel aangeteken is en die eerste kwart eindig op 16-7.
Die tweede kwart was ewe opwindend met die Proteas wat die Juwele se verdediging onder druk hou en opnuut in die eerste minuut die doelring tref. Die Namibiërs teken een punt meer aan as in die vorige speeltyd, maar verspeel vier doelkanse. Die doelverskil in dié periode was 16-8 en Namibië loop met 32-15 agter.
Die patroon is in die derde kwart voortgesit, met 'n opflikkering toe die Juwele ná elf minute twee doele kort ná mekaar aanteken. Die Proteas slaan egter hard terug in die laaste minute om dié kwart met 15-7 te wen (47-22).
Met die laaste kwartier se vertoning het die Namibiërs nie ophou veg nie en voeg agt doele by teen die Proteas se elf, maar verloor met 28 doele.
'ONS SAL AANPAS'
Julene Meyer, hoofafrigter van Namibië, het die vorige aand aan Republikein gesê 'n begin op volspoed is noodsaaklik.
“Ons wil van die eerste minuut af inklim om seker te maak ons is op die voorvoet om punt vir punt by te hou. Ons sal op ons eie spel moet konsentreer om spelers in die regte posisies te kry en mekaar met tweede bewegings te help.
“Die Proteas speel baie vinnig en is baie sterk op die verdediging. Hulle dra die bal baie vinnig oor die baan. Ek dink hul enigste swakpunte is in beide sirkels. Daar is heelwat debutante en moontlik sal die kombinasies nog nie gevestig wees nie en dit kan vir ons geleenthede skep.
“Ons het 'n groot verskeidenheid spelers met wie ons hulle kan hokslaan. Die spelers is honger vir speel en ken mekaar goed. Die verblyf en kos is uitstekend en daar word mooi na ons gekyk,” het sy gesê.
Ná die wedstryd het Meyer gesê: “Ek dink ons het tussen ses en agt punte per kwart weggegooi deur simpel foute, swak spel en swak besluitneming. Ek is glad nie tevrede daarmee nie.
“Ons moes veel meer klinies gewees het, want die druk was glad nie so erg om hierdie tipe foute te regverdig nie.”
Sy bly nietemin positief oor die oorblywende wedstryde teen Suid-Afrika en Uganda.
“Ons kon nie uit derde rat kom nie. Ek dink dit gaan 'n tydjie neem om aan die intensiteit gewoond te raak en dan sal dit beter gaan. Ons sal daar kom. Die spelers sal gewoond raak daaraan, sodat ons hierdie onnodige foute kan uitskakel. Dit sal 'n groot verskil aan ons ritme maak om af te rond.”
Die beginspan van Namibië: Jatjinda Kambatuku (kaptein, doelskieter), Anna Kaspar (doelaanvaller), Selma Bittler (aanvallende vleuel), Venyekerera Maharero (senter), Monica Gomases (verdedigende vleuel), Emmy Kutako (doelverdediger), Juzelri Garbers (doelwagter). Reserwes: Loide Hanyanya, Nanguloshi Kamutushi, Mulenamaswe Mwale, Rachalle Roetz, Anna Shipanga.
Afrigterspan: Julene Meyer (hoofafrigter), Chrisna Lombard, Antoinette Wentworth Sunette Burden; dr. Maria Mulunga (spandokter).
Proteas-span: Nonsikelelo Mazibuko (GS), Renske Stoltz (GA), Bongi Msomi (kaptein, WA), Romé Joubert (C), WD Khanyisa Chawane (WD), Monique Reyneke (GD), Simoné Rabie (GK). Reserwes: Izette Griesel, Tshina Mdau, Sian Moore, Nozipho Ntshangase en Chantelle Swart. Dorette Badenhorst (hoofafrigter), Dumisani Chauke (hulpafrigter).
VORIGE STATISTIEK
Uit die vorige tien toetse teen Namibië het die Proteas almal gewen. Die gemiddelde telling is Proteas 66-23 Namibië. Suid-Afrika se grootste telling was 78-10 in Maseru (2002) en die kleinste punteverskil was 31-14 in Gaborone (2000). Namibië se hoogste totaal was 35-57 in 2010 (Pretoria).
Laaste vyf uitslae: Proteas 78-28 Namibië (Polokwane 2018). Proteas 75-34 Namibië (Blantyre 2013). Proteas 57-35 Namibië (Pretoria 2010). Proteas 55-26 Namibië (Durban 2009). Proteas 71-16 Namibië (Durban 2004).– [email protected]
Ná 18 maande was dit die Namibiërs se eerste proesel internasionale netbal in Kaapstad by die Spar Drienasies-uitdaagtoernooi.
Die botsing is uit die staanspoor deur die Proteas oorheers, wat bykans een doel per minuut aangeteken het.
Die Suid-Afrikaners se posisionele spel, besluitneming, verdediging en blitsige hantering met min foute was die moedige Namibiërs se ondergang. Die feit dat Suid-Afrika 21 keer onderskep het teenoor Namibië se 12, vertel hoeveel skerper hulle op die baan was. Beide spanne se doelskieters was 83 persent akkuraat.
Hoewel die Juwele hul bes probeer het, is hulle oorskadu deur 'n span wat selfs sonder sy oorsese staatmakers en met vyf internasionale debutante oor hope ondervinding beskik.
Die Proteas het soos 'n sneltrein weggespring en gereeld besit by die Juwele gesteel en in punte omskep. Namibië het wel daarin geslaag om met bittermin balbesit vir die hele toets te veg. Die Namibiese vroue, aangevoer deur Jatjinda Kambatuku, is beslis fiks en sterk, maar hul speltempo, hantering, posisionele spel en besluitneming was merkbaar stadiger as hul teenstanders se blitsige reaksie.
Vandat die Proteas binne die eerste minuut hul openingsdoel aangeteken het, het hulle die voortou enduit behou. Namibië het vier minute geneem voordat sy eerste doel aangeteken is en die eerste kwart eindig op 16-7.
Die tweede kwart was ewe opwindend met die Proteas wat die Juwele se verdediging onder druk hou en opnuut in die eerste minuut die doelring tref. Die Namibiërs teken een punt meer aan as in die vorige speeltyd, maar verspeel vier doelkanse. Die doelverskil in dié periode was 16-8 en Namibië loop met 32-15 agter.
Die patroon is in die derde kwart voortgesit, met 'n opflikkering toe die Juwele ná elf minute twee doele kort ná mekaar aanteken. Die Proteas slaan egter hard terug in die laaste minute om dié kwart met 15-7 te wen (47-22).
Met die laaste kwartier se vertoning het die Namibiërs nie ophou veg nie en voeg agt doele by teen die Proteas se elf, maar verloor met 28 doele.
'ONS SAL AANPAS'
Julene Meyer, hoofafrigter van Namibië, het die vorige aand aan Republikein gesê 'n begin op volspoed is noodsaaklik.
“Ons wil van die eerste minuut af inklim om seker te maak ons is op die voorvoet om punt vir punt by te hou. Ons sal op ons eie spel moet konsentreer om spelers in die regte posisies te kry en mekaar met tweede bewegings te help.
“Die Proteas speel baie vinnig en is baie sterk op die verdediging. Hulle dra die bal baie vinnig oor die baan. Ek dink hul enigste swakpunte is in beide sirkels. Daar is heelwat debutante en moontlik sal die kombinasies nog nie gevestig wees nie en dit kan vir ons geleenthede skep.
“Ons het 'n groot verskeidenheid spelers met wie ons hulle kan hokslaan. Die spelers is honger vir speel en ken mekaar goed. Die verblyf en kos is uitstekend en daar word mooi na ons gekyk,” het sy gesê.
Ná die wedstryd het Meyer gesê: “Ek dink ons het tussen ses en agt punte per kwart weggegooi deur simpel foute, swak spel en swak besluitneming. Ek is glad nie tevrede daarmee nie.
“Ons moes veel meer klinies gewees het, want die druk was glad nie so erg om hierdie tipe foute te regverdig nie.”
Sy bly nietemin positief oor die oorblywende wedstryde teen Suid-Afrika en Uganda.
“Ons kon nie uit derde rat kom nie. Ek dink dit gaan 'n tydjie neem om aan die intensiteit gewoond te raak en dan sal dit beter gaan. Ons sal daar kom. Die spelers sal gewoond raak daaraan, sodat ons hierdie onnodige foute kan uitskakel. Dit sal 'n groot verskil aan ons ritme maak om af te rond.”
Die beginspan van Namibië: Jatjinda Kambatuku (kaptein, doelskieter), Anna Kaspar (doelaanvaller), Selma Bittler (aanvallende vleuel), Venyekerera Maharero (senter), Monica Gomases (verdedigende vleuel), Emmy Kutako (doelverdediger), Juzelri Garbers (doelwagter). Reserwes: Loide Hanyanya, Nanguloshi Kamutushi, Mulenamaswe Mwale, Rachalle Roetz, Anna Shipanga.
Afrigterspan: Julene Meyer (hoofafrigter), Chrisna Lombard, Antoinette Wentworth Sunette Burden; dr. Maria Mulunga (spandokter).
Proteas-span: Nonsikelelo Mazibuko (GS), Renske Stoltz (GA), Bongi Msomi (kaptein, WA), Romé Joubert (C), WD Khanyisa Chawane (WD), Monique Reyneke (GD), Simoné Rabie (GK). Reserwes: Izette Griesel, Tshina Mdau, Sian Moore, Nozipho Ntshangase en Chantelle Swart. Dorette Badenhorst (hoofafrigter), Dumisani Chauke (hulpafrigter).
VORIGE STATISTIEK
Uit die vorige tien toetse teen Namibië het die Proteas almal gewen. Die gemiddelde telling is Proteas 66-23 Namibië. Suid-Afrika se grootste telling was 78-10 in Maseru (2002) en die kleinste punteverskil was 31-14 in Gaborone (2000). Namibië se hoogste totaal was 35-57 in 2010 (Pretoria).
Laaste vyf uitslae: Proteas 78-28 Namibië (Polokwane 2018). Proteas 75-34 Namibië (Blantyre 2013). Proteas 57-35 Namibië (Pretoria 2010). Proteas 55-26 Namibië (Durban 2009). Proteas 71-16 Namibië (Durban 2004).– [email protected]
Kommentaar
Republikein
Geen kommentaar is op hierdie artikel gelaat nie