Jeanne Goosen onthou

Die skrywer Jeanne Goosen, bekend om romans soos Ons is nie almal so nie en 'n Pawpaw vir my darling, is Dinsdag omstreeks 23:30 in haar meenthuis in Melkbosstrand dood.Petrovna Metelerkamp van Hemel & See Boeke, wat onlangs haar biografie, Jeanne Goosen: 'n Lewe vol sinne, uitgereik het, sê Goosen (81) het Dinsdagaand in 'n koma verval.“Sy het haar bewussyn verloor en haar versorger, Michele van der Westhuizen, was by haar toe sy dood is. Daar sal die naweek 'n diens gehou word, maar ons weet nog nie wat nie. Haar konsentrasievermoë het die laaste ruk erg afgeneem en sy het fisiek baie onaktief geword. Sy het selde uit haar bed opgestaan. Haar hondjie, Fudge, was heeltyd by haar op die bed. Dié twee is mos sinoniem.”Goosen se vierde digbundel, Het jy geweet ek kan toor, het vroeër vanjaar verskyn.Goosen het in 1971 gedebuteer met die digbundel, 'n Uil vlieg weg. Sy het verskeie boeke en toneelstukke geskryf. Van haar rubrieke is ook as 'n bundel uitgereik.Sy sou in Julie 82 jaar oud word.Celesté Fritz wat betrokke was by die publikasie van Goosen se boek Los gedagtes, het aan Metelerkamp gesê: "God sal Jeanne met 'n glimlag verwelkom." - Netwerk24/AJ Opperman

Jeanne Goosen onthou

Kommentaar

Republikein 2025-07-21

Meld asseblief aan om kommentaar te lewer

Jeanne Goosen onthou

Kommentaar

Republikein 2025-07-21

Meld asseblief aan om kommentaar te lewer

MELD AAN

Advertensie