Janet Yellen se dae by Fed dalk getel

Dr. Janet Yellen se eerste vierjaartermyn loop einde Januarie 2018 ten einde.Die voorsitter van die Federale Reserweraad (Fed) mag onbepaald herkies word vir vierjaartermyne op ’n keer.Yellen het dr. Ben Bernanke in Februarie 2014 as voorsitter vervang. Bernanke het die pos van 1 Februarie 2006 tot 3 Februarie 2014, agt jaar of twee termyne lank, beklee te midde van die wêreldwye finansiële krisis. Hy het die program van kwantitatiewe verruiming begin wat Yellen aanvanklik voortgesit het, maar nou aan die omkeer is.Yellen is reeds 71 jaar oud. Sy was die eerste vroulike hoof van die Fed.Pres. Donald Trump het volgens Bloomberg reeds ’n kortlys van kandidate ontvang.Die Amerikaanse senaat voer gewoonlik in November ’n onderhoud met die kandidaat wat deur die president benoem word.In die gesinYellen is getroud met George Akerlof, ’n ekonoom aan die Universiteit van Kalifornië se Berkeley-kampus wat die Nobelprys vir ekonomie in 2001 saam met prof. Joseph Stiglitz en Michael Spence gewen het.Die twee se seun, Robert Akerlof, is ook ’n ekonoom. Hy gee klas aan die Universiteit van Warwick.Kevin Warsh, ’n vorige Fed-raadslid, word as een van die gunstelinge beskou. Hy het die Fed al gekritiseer omdat die sentrale bank volgens hom te veel met monetêre beleid probeer bereik.Yellen word as ’n duif bestempel en Warsh as ’n valk – dus sterker ten gunste van hoër rentekoerse.Trump was tydens die presidentsverkiesing self krities oor die Fed en het onder meer gesê Yellen probeer die ekonomie met monetêre beleid manipuleer, volgens CNBC.Yellen is ’n aanstelling van Barack Obama, wat op sig self haar posisie bedenklik maak.In April vanjaar het Trump egter in antwoord op ’n vraag van ’n joernalis van The Wall Street Journal daarop gesinspeel dat Yellen nog nie afgedank gaan word nie.Yellen self het in Julie vanjaar in die Amerikaanse kongres vrae ontwyk oor haar toekoms.Op die vraag of sy reken dit was haar laaste getuienis voor die kongres, het sy geantwoord: “My termyn loop in Februarie ten einde, so dit kan inderdaad wees.”Die Fed-voorsitter doen twee keer per jaar verslag aan die kongres. – Netwerk24/Bloomberg/Wikipedia/The Wall Street Journal/CNBC

Janet Yellen se dae by Fed dalk getel

Kommentaar

Republikein 2026-05-05

Meld asseblief aan om kommentaar te lewer

Janet Yellen se dae by Fed dalk getel

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.