Jan Taks gun nog ‘n kans
Ná versoeke uit talle oorde vir die verlenging van die belastingamnestie wat op 31 Julie verstryk het, het die ministerie van finansies besluit om individue en besighede ‘n tweede kans te gun.
Hierdie blaaskans van ses maande word as ‘n “tweede en laaste” kans beskryf om jou sake met die belastinggaarder in die reine te bring.
Die skriftelike aankondiging is laat gistermiddag deur die permanente sekretaris van finansies, me. Ericah Shafudah, gedoen.
Die woord amnestie word nie gebruik nie. Die ministerie beskryf die nuwe veldtog as ‘n “aansporingsprogram” om agterstallige belasting te herwin.
Belasting moet steeds ten volle betaal word. Hiervoor sal die staat 70% se afslag op rente toestaan en die aansoeker van straftariewe kwytskeld. Dertig persent van die rente moet betaal word.
Veral besighede wat nog nie gereageer het nie, word aangemoedig om van hierdie geleentheid gebruik te maak.
Die aansporingsperiode begin op 11 September en sal op 11 Maart 2018 ten einde loop. Dit sluit aansoeke vir inkomstebelasting, BTW, BTW op invoere, heffings op werknemers se belasting, belastings vir nie-inwonende aandeelhouers en belasting op winsaandele in.
Individue en besighede moet reeds teen die einde van Oktober vir die aansporingsprogram registreer. Die vereiste is dat eenmalige betaling binne hierdie twee maande geskied. Indien nie, sal persone nie vir die afslag kwalifiseer nie.
Reëlings kan egter met binnelandse inkomste getref word om eers net ‘n voorlopige bedrag oor te betaal. ‘n Ooreenkoms sal bereik word oor paaiemente waarmee die oorblywende bedrag teen Maart 2018 afbetaal kan word.
Wanbetalers se afslag en kwytskelding van straftariewe kan opgehef word.
Die ministerie het opnuut gewaarsku dat diegene wat weer gaan versuim om hul belastingsake in orde te kry, met die volle mag van die wet gestraf sal word.
Hierdie blaaskans van ses maande word as ‘n “tweede en laaste” kans beskryf om jou sake met die belastinggaarder in die reine te bring.
Die skriftelike aankondiging is laat gistermiddag deur die permanente sekretaris van finansies, me. Ericah Shafudah, gedoen.
Die woord amnestie word nie gebruik nie. Die ministerie beskryf die nuwe veldtog as ‘n “aansporingsprogram” om agterstallige belasting te herwin.
Belasting moet steeds ten volle betaal word. Hiervoor sal die staat 70% se afslag op rente toestaan en die aansoeker van straftariewe kwytskeld. Dertig persent van die rente moet betaal word.
Veral besighede wat nog nie gereageer het nie, word aangemoedig om van hierdie geleentheid gebruik te maak.
Die aansporingsperiode begin op 11 September en sal op 11 Maart 2018 ten einde loop. Dit sluit aansoeke vir inkomstebelasting, BTW, BTW op invoere, heffings op werknemers se belasting, belastings vir nie-inwonende aandeelhouers en belasting op winsaandele in.
Individue en besighede moet reeds teen die einde van Oktober vir die aansporingsprogram registreer. Die vereiste is dat eenmalige betaling binne hierdie twee maande geskied. Indien nie, sal persone nie vir die afslag kwalifiseer nie.
Reëlings kan egter met binnelandse inkomste getref word om eers net ‘n voorlopige bedrag oor te betaal. ‘n Ooreenkoms sal bereik word oor paaiemente waarmee die oorblywende bedrag teen Maart 2018 afbetaal kan word.
Wanbetalers se afslag en kwytskelding van straftariewe kan opgehef word.
Die ministerie het opnuut gewaarsku dat diegene wat weer gaan versuim om hul belastingsake in orde te kry, met die volle mag van die wet gestraf sal word.
Kommentaar
Republikein
Geen kommentaar is op hierdie artikel gelaat nie