Jaers palm medaljes en kontant in
Die 2017-seisoen het vir goeie kompetisie gesorg.
Die 2017 Bank Windhoek Namibiese Enduro-kampioenskapsreeks het onlangs ná sewe byeenkomste en opwindende vertonings tot ’n einde gekom en verskeie nuwe kampioene het na vore getree.
Die Namibiese Enduro-klub het onlangs sy wenners met ’n prysuitdeling op die plaas Elisenheim vereer waar Bank Windhoek opnuut met altesame N$20 000 as prysgeld reggestaan het. Mans sowel as vroue kon vanjaar hul stempel in sewe klasse afdruk wat vir beginners asook die ervare ryers bedoel is.
Die plekke waar die sewe verskillende byeenkomste aangebied was, is Omakwara, Lichtenstein, Otjihase, Abbabis, Uis en Elisenheim waar ’n gemiddeld van 59 motorfiets- asook kwadjaers per byeenkoms tussen die ouderdomme van 9 en 55 hul staal getoon het.
Die nasionale motorfietskampioen in die ope klas is Henner Rusch wat vir die vyfde agtereenvolgende jaar die kroon buit. Sy trofee word deur CBT Racing geborg. Marcel Henle en Corné Visser neem onderskeidelik die tweede en derde plek in.
Die senior nasionale motorfietskampioenskap gaan aan Jörn Greiter wie se trofee deur Leath geborg is. Hy word deur Werner Wiese (tweede) en David Brown (derde) gevolg. Greiter raap ook die trofee as beste motorfietsjaer op omdat hy ses van sy sewe byeenkomste gewen het en dus die meeste kampioenskapspunte gedurende die seisoen behaal het.
Die Namibiese kwadkampioenskap bestaan uit twee klasse, naamlik die mans en vroue. By die vroue het Shannon Rowland die trofee opgeraap wat deur Steel Force geborg is. Rowland het drie van die sewe byeenkomste gewen om haar 2016-kroon suksesvol te verdedig.
Die ope-klas kwadkampioenskap gaan aan J.L. Oppermann wat sy trofee geborg deur Victoria Apteek verower. Gary Rowland eindig tweede, terwyl die groentjie Abner Abner in sy eerste seisoen derde eindig. Oppermann is ook as die algehele beste kwadjaer aangewys.
Trofeë vir die klubmansklas is deur Namibia Lubricants met Fuchs Oil geborg. ’n Totaal van 28 aspirant nasionale jaers het vanjaar aan die afdeling deelgeneem waar Juergen Gladis soos in 2016 met die kampioenskap wegstap. Hy wen drie van die sewe kompetisies en samel 124 kampioenskapspunte in met Wayne Schablinski tweede en die talentvolle dertienjarige Lenny Bagwitz derde.
Die veldfietsafdeling het in 2017 opnuut baie gewild gebly met 35 inskrywings. Die twaalfjarige Keanu Weber-Trianus raap welverdiend die titel op en word as die ryer vereer wat die beste vordering toon. Sy kampioenskapstrofee word deur Kaleidoscope Marketing geborg. Teddy Kausch wen drie renne om tweede te eindig en Jaco Husselmann neem die derde plek in en word as die motorfietsgroentjie van die jaar aangewys.
In die ontwikkelingsklas het tien juniors in 2017 deelgeneem. Premier Insurance Brokers het gesorg dat die jong manne se bekers betaal is. Dylan Hilfiker word as die kampioen aangewys nadat hy vier kompetisies oorheers het en 114 punte verower het. Levin Quinger (tweede) en André Barnard (derde) voltooi die podium.
Die Namibiese Enduroklub wens Marcel Henle die beste toe wat die Enduroklub en Namibië vandeesmaand by die Roof of Africa byeenkoms in Lesotho gaan verteenwoordig. Henle, wat in die Gold-klas gaan jaag, gaan met van die beste ryers in die wêreld te doen kry.
Bank Windhoek is sedert 2011 ’n gewaardeerde borg van die Namibiese nasionale Enduro-kampioenskap. Die Namibiese Enduroklub nooi potensiële borge om sy voorsitter te kontak om die hoofborg vir 2018 te word. Die klub se webtuiste kan by www.namibianenduro.com vir meer inligting besoek word.
Die Namibiese Enduro-klub het onlangs sy wenners met ’n prysuitdeling op die plaas Elisenheim vereer waar Bank Windhoek opnuut met altesame N$20 000 as prysgeld reggestaan het. Mans sowel as vroue kon vanjaar hul stempel in sewe klasse afdruk wat vir beginners asook die ervare ryers bedoel is.
Die plekke waar die sewe verskillende byeenkomste aangebied was, is Omakwara, Lichtenstein, Otjihase, Abbabis, Uis en Elisenheim waar ’n gemiddeld van 59 motorfiets- asook kwadjaers per byeenkoms tussen die ouderdomme van 9 en 55 hul staal getoon het.
Die nasionale motorfietskampioen in die ope klas is Henner Rusch wat vir die vyfde agtereenvolgende jaar die kroon buit. Sy trofee word deur CBT Racing geborg. Marcel Henle en Corné Visser neem onderskeidelik die tweede en derde plek in.
Die senior nasionale motorfietskampioenskap gaan aan Jörn Greiter wie se trofee deur Leath geborg is. Hy word deur Werner Wiese (tweede) en David Brown (derde) gevolg. Greiter raap ook die trofee as beste motorfietsjaer op omdat hy ses van sy sewe byeenkomste gewen het en dus die meeste kampioenskapspunte gedurende die seisoen behaal het.
Die Namibiese kwadkampioenskap bestaan uit twee klasse, naamlik die mans en vroue. By die vroue het Shannon Rowland die trofee opgeraap wat deur Steel Force geborg is. Rowland het drie van die sewe byeenkomste gewen om haar 2016-kroon suksesvol te verdedig.
Die ope-klas kwadkampioenskap gaan aan J.L. Oppermann wat sy trofee geborg deur Victoria Apteek verower. Gary Rowland eindig tweede, terwyl die groentjie Abner Abner in sy eerste seisoen derde eindig. Oppermann is ook as die algehele beste kwadjaer aangewys.
Trofeë vir die klubmansklas is deur Namibia Lubricants met Fuchs Oil geborg. ’n Totaal van 28 aspirant nasionale jaers het vanjaar aan die afdeling deelgeneem waar Juergen Gladis soos in 2016 met die kampioenskap wegstap. Hy wen drie van die sewe kompetisies en samel 124 kampioenskapspunte in met Wayne Schablinski tweede en die talentvolle dertienjarige Lenny Bagwitz derde.
Die veldfietsafdeling het in 2017 opnuut baie gewild gebly met 35 inskrywings. Die twaalfjarige Keanu Weber-Trianus raap welverdiend die titel op en word as die ryer vereer wat die beste vordering toon. Sy kampioenskapstrofee word deur Kaleidoscope Marketing geborg. Teddy Kausch wen drie renne om tweede te eindig en Jaco Husselmann neem die derde plek in en word as die motorfietsgroentjie van die jaar aangewys.
In die ontwikkelingsklas het tien juniors in 2017 deelgeneem. Premier Insurance Brokers het gesorg dat die jong manne se bekers betaal is. Dylan Hilfiker word as die kampioen aangewys nadat hy vier kompetisies oorheers het en 114 punte verower het. Levin Quinger (tweede) en André Barnard (derde) voltooi die podium.
Die Namibiese Enduroklub wens Marcel Henle die beste toe wat die Enduroklub en Namibië vandeesmaand by die Roof of Africa byeenkoms in Lesotho gaan verteenwoordig. Henle, wat in die Gold-klas gaan jaag, gaan met van die beste ryers in die wêreld te doen kry.
Bank Windhoek is sedert 2011 ’n gewaardeerde borg van die Namibiese nasionale Enduro-kampioenskap. Die Namibiese Enduroklub nooi potensiële borge om sy voorsitter te kontak om die hoofborg vir 2018 te word. Die klub se webtuiste kan by www.namibianenduro.com vir meer inligting besoek word.
Kommentaar
Republikein
Geen kommentaar is op hierdie artikel gelaat nie