Jacobs daag Bolt uit

Marcell Jacobs, Italië se 2020 Olimpiese 100 meter-kampioen, het Usain Bolt uitgedaag om vir liefdadigheid teen hom te nael.Dit het gekom nadat dié uitgetrede Jamaikaan onlangs gesê het hy sou die 100 m maklik by die Olimpiese Spele teen Jacobs gewen het. Bolt het vertel dit was frustrerend vir hom om die Spele op televisie te volg terwyl sy landgenote teleurstellende vertonings gelewer het. ’n Taamlik onbekende Jacobs het ’n skokoorwinning in 9,80 sekondes in Tokio behaal.Die 35-jarige Bolt is die Wêreldrekordhouer in 9,59 wat hy in 2009 opgestel het. Bolt beweer Jacobs se 9,80 in Tokio is steeds binne sy bereik. Dit ten spyte daarvan dat hy reeds in 2017 sy spykerskoene finaal opgehang het.Jacobs, wat sedert sy skokvertoning by die Spele nog nie weer in die wegspringblokke gesak het nie, het in die sosiale media die agtmalige Olimpiese- en elfmalige Wêreldkampioen uitgedaag.Jacobs het gesê: “Jy is my held, so dankie dat jy jou hoed afgehaal het. Maar jy het ook gesê jy is seker jy sou wen, so ek is gereed vir die uitdaging!“Hoekom begin ons nie met ’n liefdadigheidsweergawe van vang die vlag nie? Jy bring jou span en ek bring myne!” Vang die vlag is ’n speletjie wat deur skoolkinders gespeel word waarin twee spanne resies hou om te kyk wie kan die vinnigste die ander span se vlag kry en dit veilig na hul beginpunt neem.Jacobs se pa is ’n Amerikaner en hy is daar gebore. Hy is egter deur sy Italiaanse ma in Italië grootgemaak. – Netwerk24

Jacobs daag Bolt uit

Kommentaar

Republikein 2025-09-12

Meld asseblief aan om kommentaar te lewer

Jacobs daag Bolt uit

Kommentaar

Republikein 2025-09-12

Meld asseblief aan om kommentaar te lewer

MELD AAN

Advertensie