Jackalberry Lodge 'n juweel in Nkasa Rupara

Jackalberry Lodge is een van die vier finaliste in die Volhoubare Toerisme-toekennings vir 2017.Dié spoglodge is in die Nkasa Rupara Nasionale Park in die Zambezistreek geleë.Jackalberry is die tweede lodge wat deur die Italiaanse Micheletti-familie op die oewer van die Kwando-Linyanti-rivierstelsel gevestig is. Nkasa Lupala Tented Lodge is net buite die park op 'n eiland geleë.Jackalberry is eksklusief en bestaan uit net vier tente en gaste is verseker dat hulle die natuur in sy volle glorie saam met persoonlike aandag kan geniet. Dit is nie omhein nie en olifante, buffels, seekoeie en leeus is gereelde besoekers. Die lodge is so gebou dat dit die minste impak op die natuur het en die Jackalberry-toring is om 'n jakkalsbessieboom gebou wat 'n asemrowende uitsig op die Linyanti-vleilandstelsel bied. Die ontwerp van die kamp sluit natuurlike produkte en herwinde materiaal in. Dit is ook só gebou dat die strukture maklik afgebreek kan word en die gebied maklik gerehabiliteer kan word soos die reëls van die konsessie in die park voorskryf. Omdat die lodge in 'n ekologies sensitiewe gebied geleë is, is dit belangrik vir die Micheletti's, wat al 10 jaar in Namibië woon, dat dit ekovriendelik moet wees. Die hele lodge word van elektrisiteit en warm water voorsien deur sonkrag.Soos met Nkasa Lupala Tented Lodge, word Jackalberry Lodge in samewerking met die Wuparo- kommunale bewaringsgebied bedryf. Omdat die lodge in 'n nasionale park geleë is, sluit die ooreenkoms ook die ministerie van die omgewing en toerisme in. 'n Jaarlikse fooi word aan die ministerie betaal, en 'n deel van hul inkomste aan Wuparo.In samewerking met die bewaringsgebied is die doelwit om die omgewing te beskerm en na die welsyn van die plaaslike gemeenskap om te sien. Byna al die werkers by albei lodges is van die plaaslike gemeenskap. Tariewe sluit alle etes en aktiwiteite soos wildritte, nagritte en bootvaarte in.Die ander drie finaliste is Gondwana Etosha Safari Camp, Ongava Tented Camp en Wilderness Safaris Hoanib Skeleton Coast in die Kunenestreek. Die wenner sal aangekondig word tydens die amptelike opening van die Namibië Toerisme-ekspo wat op Woensdag 31 Mei by die Windhoek se skouterrein sal plaasvind.

Jackalberry Lodge 'n juweel in Nkasa Rupara

Kommentaar

Republikein 2026-02-06

Meld asseblief aan om kommentaar te lewer

Jackalberry Lodge 'n juweel in Nkasa Rupara

Kommentaar

Republikein 2026-02-06

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.