IUM of Nust opsies vir graad 11’s
Unam worstel met 21 000 aansoeke terwyl hy vir net 7 000 nuwe studente plek het.
Die Universiteit van Namibië (Unam) is huiwerig om skoliere in te neem wat deur die nuwe Namibiese Senior Sekondêre Sertifikaat vir gewone vlak (NSSCO) met graad 11 skool verlaat. Die nuwe kurrikulum is amptelik gedurende die akademiese jaar 2020 geïmplementeer.
Die waarnemende bemarkingsdirekteur van Unam, mnr. John Haufiku, sê dit is onwaarskynlik dat die universiteit vanjaar hierdie studente sal kan toelaat, omdat daar reeds meer as 21 000 aansoeke vir eerstejaars ontvang is. Hy sê graad 11-leerlinge mag aansoek doen, maar die universiteit verkies graad 12-voltooiers, wat ook die meerderheid is.
“As ons nie in beginsel so besluit nie, wat maak ons met die graad 12-voltooiers, wat in groot getalle aansoek gedoen het?” vra hy.
Unam het net plek vir tussen 5 000 en 7 000 nuwe studente, sê hy.
“Die hele doel van die hersiening van basiese opvoeding was om die gehalte van studente wat universiteit toe kom, te verbete. Dus sou Unam die graad 11-leerlinge hul Gevorderde Hulpvlak (AS) wou sien voltooi, om te sien hoe hulle teen die einde van die jaar vaar, en sodoende ingeligte besluite te kan neem vir 2022 en vorentoe,” het Haufiku gesê.
Hy sê die besluit beteken nie dat die universiteit nie die NSSCO graad 11-sertifikaat erken nie, maar dat Unam die situasie eers deeglik wil ondersoek.
Die Universiteit van Wetenskap en Tegnologie (Nust) se direkteur vir oop en lewenslange onderrig, me. Delvaline Möwes, sê kandidate met slegs graad 11 mag by hulle aansoek doen.
“Nogtans moet elke kandidaat in ag neem dat al voldoen hulle aan die minimumvereiste vir ’n spesifieke studieprogram, beteken dit nie hulle sal aanvaar word nie, omdat ’n keuringsproses toegepas word,” sê sy.
Die Internasionale Universiteit van Bestuursake (IUM) is meer tegemoetkomend teenoor graad 11-voltooiers en die universiteit se registrateur, mnr. Aquilinus Nashilundo, sê die NSSCO graad 11-sertifikaat is op dieselfde vlak as dit wat aan graad 12-leerlinge uitgereik word en dus is daar geen rede om dié leerders weg te wys nie.
– Nampa
Die waarnemende bemarkingsdirekteur van Unam, mnr. John Haufiku, sê dit is onwaarskynlik dat die universiteit vanjaar hierdie studente sal kan toelaat, omdat daar reeds meer as 21 000 aansoeke vir eerstejaars ontvang is. Hy sê graad 11-leerlinge mag aansoek doen, maar die universiteit verkies graad 12-voltooiers, wat ook die meerderheid is.
“As ons nie in beginsel so besluit nie, wat maak ons met die graad 12-voltooiers, wat in groot getalle aansoek gedoen het?” vra hy.
Unam het net plek vir tussen 5 000 en 7 000 nuwe studente, sê hy.
“Die hele doel van die hersiening van basiese opvoeding was om die gehalte van studente wat universiteit toe kom, te verbete. Dus sou Unam die graad 11-leerlinge hul Gevorderde Hulpvlak (AS) wou sien voltooi, om te sien hoe hulle teen die einde van die jaar vaar, en sodoende ingeligte besluite te kan neem vir 2022 en vorentoe,” het Haufiku gesê.
Hy sê die besluit beteken nie dat die universiteit nie die NSSCO graad 11-sertifikaat erken nie, maar dat Unam die situasie eers deeglik wil ondersoek.
Die Universiteit van Wetenskap en Tegnologie (Nust) se direkteur vir oop en lewenslange onderrig, me. Delvaline Möwes, sê kandidate met slegs graad 11 mag by hulle aansoek doen.
“Nogtans moet elke kandidaat in ag neem dat al voldoen hulle aan die minimumvereiste vir ’n spesifieke studieprogram, beteken dit nie hulle sal aanvaar word nie, omdat ’n keuringsproses toegepas word,” sê sy.
Die Internasionale Universiteit van Bestuursake (IUM) is meer tegemoetkomend teenoor graad 11-voltooiers en die universiteit se registrateur, mnr. Aquilinus Nashilundo, sê die NSSCO graad 11-sertifikaat is op dieselfde vlak as dit wat aan graad 12-leerlinge uitgereik word en dus is daar geen rede om dié leerders weg te wys nie.
– Nampa
Kommentaar
Republikein
Geen kommentaar is op hierdie artikel gelaat nie