Italië en Frankryk weer krisis af oor migrante

Die leiers van Frankryk en Italië het ’n diplomatieke krisis tussen dié twee Europese lande afgeweer nadat laasgenoemde geweier het om ’n skip vol Afrikavlugtelinge te help.Die skip die MV Aquarius, met 629 mense aan boord, het vroeër enjinprobleme ontwikkel en hulpeloos langs die kus van Italië gelê.Italië het Frankryk se ambassadeur verlede week ontbied en Giovanni Tria, minister van finansies, het ’n vergadering met sy ampsgenoot in Parys gekanselleer.Matteo Salvini, Italiaanse minister van binnelandse sake, sê sy land hoef “niks oor welwillendheid, vrywillige diens, solidariteit of hoe om iemand te verwelkom” by ’n ander land te leer nie.Intusen het Franse president Emmanuel Macron die Italiaanse premier Giuseppe Conte gebel en hulle het dit uitgepraat.Luidens ’n Italiaanse verklaring het Macron beklemtoon hy wou nooit Italië “of die Italiaanse volk” in die gesig vat nie.“ Macron en Conte het saamgestem dat dit noodsaaklik is om voort te gaan met gesprekvoering omdat die Europese Unie se beraad einde vandeesmaand plaasvind.”Die skip is intussen herstel en het gister in die Spaanse hawe, Valencia, onder begeleiding van Italiaanse vlootskepe aangekom. - Netwerk24/Nampa/Reuters

Italië en Frankryk weer krisis af oor migrante

Kommentaar

Republikein 2025-12-17

Meld asseblief aan om kommentaar te lewer

Italië en Frankryk weer krisis af oor migrante

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.