Is Zexit rede vir sterker rand?

Nellie Brand-Jonker - Blykbaar is dit optimisme oor die moontlikheid dat pres. Jacob Zuma uitgedruk kan word wat die rand so optimisties maak.Baie mense het Dinsdag kopgekrap oor die rand wat ná die afgradering van Suid-Afrika se buitelandse staatskuld deur Standard & Poor’s tot rommel nie veel verder verswak het nie.John Cairns, valutastrateeg van RMB, sê dit is die toenemende druk op Zuma wat dit veroorsaak te midde van ’n baie beter buitelandse omgewing.Die rand het gisteroggend reeds 13c of 0,9% tot R13,49 versterk, wat sterker is as Dinsdag se sterkste vlak van R13,50 teenoor die Amerikaanse dollar wat deur die dag bereik is.“Ons het Maandag gewaarsku om nie ingetrek te word in die spekulasie dat die president sal gaan nie. Maar dit is moeilik om nie ingetrek te word nie: Die kwessie oorheers in die media terwyl druk van binne die ANC en sy alliansievennote opbou.”Volgens hom het die mark op sy beurt nou ’n “mate van ’n waarskynlikheid ingeprys” dat ’n baie negatiewe randomgewing in ’n positiewe randomgewing kan verander.“Om ’n klein waarskynlikheid op so ’n uitslag te plaas lyk geregverdig, maar ons het nog nie ’n senior politieke ontleder gesien wat dit voorspel nie. So om versigtig te wees is ook geregverdig, en dit sal nie korrek wees om vir wesenlike randversterking te hoop of te druk nie.”Buitelanders bly steeds netto kopers van plaaslike staatseffekte, wat beteken dat meer buitelanders koop as verkoop.Hy het sê hul jaareind-voorspelling van die wisselkoers bly op R13 teenoor die Amerikaanse dollar. Voor die kabinetskommeling wou hulle dit aanpas na ’n sterker wisselkoers wat die baie meer gunstige internasionale omgewing en die verbetering in die betalingsbalans weerspieël.“Ons siening is nou dat hierdie positiewe aspekte deur die negatiewe plaaslike politiek teengewerk word.”Vloed van geld stroom nog inBuitelanders het glo Dinsdag R1,5 miljard se staatseffekte gekoop.“Hierdie vloed van geld gaan voort om ’n groter verlies in die rand en die staatseffekte te beperk,” sê Cairns.“Die vraag na ons plaaslike staatseffekte bly steeds werklik buitengewoon. Selfs ná die nuus van die afgradering,” sê Gordon Kerr, ’n vaste-inkomstespesialis.Volgens hom is ’n halfmiljard se R186-staatseffekte (tienjaarstaatseffekte) Dinsdag teen ’n markkoers van 9,17% verkoop.Die vraag was ook sterk op die plaaslike veiling wat Dinsdag plaasgevind het.“Hierdie vraag plaas ’n perk op markkoerse en ons het stadigaan laer verhandel, en aan die einde van die dag op 8,9% gestaan.“Die vervanging van die minister van finansies, ’n verswakking in die wisselkoers en ’n afgradering van S&P moes markkoerse wesenlik hoër gedruk het.”Hy sê ten spyte daarvan is daar ’n situasie waar die R186’s selfs as die markkoerse tot bo 9% beweeg en steeds ’n redelik vraag kry.“Hoewel die vraag onvoorsien is, is daar redes om optimisties te wees. Baie beleggers meen dat die politieke gebeure nou ’n draaipunt vir pres. Zuma meebring.”“Ons plaaslike skuld is steeds op beleggingsgradering en inflasie beweeg laer terwyl groei swak bly. Rentekoersverhogings van die Reserwebank lyk of dit vir nou van die tafel is.” – Netwerk24

Is Zexit rede vir sterker rand?

Kommentaar

Republikein 2026-05-05

Meld asseblief aan om kommentaar te lewer

Is Zexit rede vir sterker rand?

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.