Is iTunes se dae getel?
Petrus Malherbe
Dit was eens voorgehou as die redder van die internasionale musiekbedryf, maar nou ná meer as 18 jaar gaan Apple glo wegdoen met iTunes.
Luidens 'n berig in Bloomberg gaan Apple iTunes ontbondel in drie afsonderlike apps – apps wat in ieder geval reeds bestaan.
So in stede van iTunes vir musiek, flieks en podsendings, gaan Apple voortaan net fokus op Apple Music, sy TV-app en sy podsending-app.
Dié aankondiging word na verwagting Maandag deur Tim Cook, Apple se uitvoerende hoof, gemaak.
Apple het reeds die sosialemediablaaie vir iTunes op sowel Instagram as Facebook gesluit, wat geloof gee aan die gerugte dat iTunes se dae wel getel is.
iTunes is op 9 Januarie 2001 deur Apple se ontslape stigter, Steve Jobs, bekend gestel. Dié revolusionêre diens het gebruikers in staat gestel om hul bestaande versameling CD's digitaal te stoor, en sedert 2003 om musiek wettig oor die internet aan te skaf eerder as om dit onwettig af te laai.
In die laaste dekade het die musiekmark egter weer 'n ommeswaai beleef met die koms van stromingsdienste soos Spotify wat gebruikers toelaat om teen 'n vaste bedrag per maand na soveel musiek te luister as wat hulle wil.
Spotify het reeds meer as 217 miljoen intekenare wêreldwyd waarvan 100 miljoen vir die diens betaal.
Apple se eie musiekstromingsdiens, Apple Music, het sowat 56 miljoen gebruikers. Dié diens het nie 'n gratis opsie soos Spotify nie.
iTunes is oor die jare aangehelp deur spesiale ooreenkomste met kunstenaars te sluit om hul nuwe albums eksklusief op die platform bekend te stel.
Beyoncé se vyfde album is byvoorbeeld eerste op iTunes beskikbaar gestel en meer as 828 000 duplikate daarvan is uiteindelik op die platform verkoop, berig The Guardian.
“Ek wil nie meer my musiek uitreik soos ek altyd het nie; dis vervelig,” het die kunstenaar destyds oor die besluit gesê.
“Ek wil hê dit moet voel asof ek regstreeks met my aanhangers kan praat.”
The Verge berig dat die nuwe Apple Music-app iTunes ook op 'n Mac- en Windows-rekenaar gaan vervang.
Die jongste weergawe van sowel macOS en iOS, Apple se bedryfstelsels vir onderskeidelik sy Mac-rekenaars en slimfone, word na verwagting ook Maandag deur Cook bekend gestel.– Netwerk24
Dit was eens voorgehou as die redder van die internasionale musiekbedryf, maar nou ná meer as 18 jaar gaan Apple glo wegdoen met iTunes.
Luidens 'n berig in Bloomberg gaan Apple iTunes ontbondel in drie afsonderlike apps – apps wat in ieder geval reeds bestaan.
So in stede van iTunes vir musiek, flieks en podsendings, gaan Apple voortaan net fokus op Apple Music, sy TV-app en sy podsending-app.
Dié aankondiging word na verwagting Maandag deur Tim Cook, Apple se uitvoerende hoof, gemaak.
Apple het reeds die sosialemediablaaie vir iTunes op sowel Instagram as Facebook gesluit, wat geloof gee aan die gerugte dat iTunes se dae wel getel is.
iTunes is op 9 Januarie 2001 deur Apple se ontslape stigter, Steve Jobs, bekend gestel. Dié revolusionêre diens het gebruikers in staat gestel om hul bestaande versameling CD's digitaal te stoor, en sedert 2003 om musiek wettig oor die internet aan te skaf eerder as om dit onwettig af te laai.
In die laaste dekade het die musiekmark egter weer 'n ommeswaai beleef met die koms van stromingsdienste soos Spotify wat gebruikers toelaat om teen 'n vaste bedrag per maand na soveel musiek te luister as wat hulle wil.
Spotify het reeds meer as 217 miljoen intekenare wêreldwyd waarvan 100 miljoen vir die diens betaal.
Apple se eie musiekstromingsdiens, Apple Music, het sowat 56 miljoen gebruikers. Dié diens het nie 'n gratis opsie soos Spotify nie.
iTunes is oor die jare aangehelp deur spesiale ooreenkomste met kunstenaars te sluit om hul nuwe albums eksklusief op die platform bekend te stel.
Beyoncé se vyfde album is byvoorbeeld eerste op iTunes beskikbaar gestel en meer as 828 000 duplikate daarvan is uiteindelik op die platform verkoop, berig The Guardian.
“Ek wil nie meer my musiek uitreik soos ek altyd het nie; dis vervelig,” het die kunstenaar destyds oor die besluit gesê.
“Ek wil hê dit moet voel asof ek regstreeks met my aanhangers kan praat.”
The Verge berig dat die nuwe Apple Music-app iTunes ook op 'n Mac- en Windows-rekenaar gaan vervang.
Die jongste weergawe van sowel macOS en iOS, Apple se bedryfstelsels vir onderskeidelik sy Mac-rekenaars en slimfone, word na verwagting ook Maandag deur Cook bekend gestel.– Netwerk24
Kommentaar
Republikein
Geen kommentaar is op hierdie artikel gelaat nie