Is daar 'n noodplan?

ANONIEM SKRYF:Watertoevoerpype bars gereeld op Keetmanshoop, as gevolg van die verouderde stelsel. Pype bars gereeld met die gepaardgaande vermorsing van miljoene liter water.Woonbuurte en besigheidsgedeeltes sit dan vir ure sonder water.Wat aan die einde van die dag hiervoor aan NamWater betaal moet word, sal terugkom na die reeds swaar belaste Jan Publiek.Daar is gerugte dat die munisipaliteit NamWater reeds N$10 miljoen skuld vir water.'n Ope vraag is dus wat die munisipale beplanning is ten opsigte van hierdie probleem, daar dit mos nie net so kan aangaan nie. Is daar byvoorbeeld al planne/begrotings om die verouderde stelsel op te knap?Ons is gelukkig dat die Nautedam, wat water aan ons voorsien, die afgelope klompie jare genoeg water aan Keetmanshoop kon voorsien. Ons hoor gereeld op die radio van die volumes water in die land se opgaardamme, maar is die syfer vir die Nautedam korrek? Dit lyk baie minder as wat deurgegee word.Is daar ’n noodplan op die tafel, sou Nautedam nie meer jaarliks genoeg water kry nie?Daar is tog geen twyfel dat water wêreldwyd ’n al groter probleem raak nie.Water kan nie net in die sand en droë lopies op en om Keetmanshoop verder vermors word nie.Ek heg vir u foto's van voorbeelde aan.

Is daar 'n noodplan?

Kommentaar

Republikein 2025-12-17

Meld asseblief aan om kommentaar te lewer

Is daar 'n noodplan?

Kommentaar

Republikein 2025-12-17

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.