IPPR probeer lig op lisensies werp

Catherine Sasman - Die Instituut vir Openbare Beleidsnavorsing (IPPR) het ‘n webwerf ontwerp om tendense, besonderhede en verbindinge in die toekenning van petroleum-eksplorasielisensies (PEL’s) te karteer.Dit het egter in ‘n reusetaak ontaard as gevolg van ondeursigtige regeringstrukture wat toekenning en eienaarskap van PEL’s in geheimhouding hul en sodoende die hele proses blootstel aan korrupsie, het die direkteur van die IPPR, mnr. Graham Hopwood, Vrydag op Internasionale Teenkorrupsiedag opgemerk.Tans is daar 42 aflandige en aanlandige PEL’s toegeken. Altesaam is daar 74 internasionale en plaaslike maatskappye betrokke.Die IPPR het opgemerk dat hierdie toekennings selde aangekondig word en is onderworpe aan die diskresie van die minister van myne en energie wat moontlik deur top-amptenare geadviseer word.Inligting oor PEL’s is tans beskikbaar in hardekopieë van die lisensieregister in die ministerie van myne en energie. Om die register te bestudeer, moet ‘n fooi van N$300 betaal word. Om ‘n kopie van ‘n lisensie na te gaan, kos N$150 per lisensie. As jy nie kan betaal nie, moet jy notas per hand maak.Die handelsregister het nie kopieë in digitale vorm beskikbaar nie. ‘n Navorser van die IPPR het opgemerk dat so veel as 50% van die PEL-houers nie by die handelsregister geregistreer is nie en baie van die dokumente daar is nie op datum nie of het verdwyn.Die beperkinge van die Namibiese handelsregister is dat internasionale maatskappye wat aandele in die PEL’s het, nie gedek word as hulle nie ‘n plaaslike filiaal gevorm het nie.Ander bronne wat die IPPR moes naslaan, is webwerwe van die maatskappye en nuusverklarings, koerantberigte en aankondigings van die effektebeurs. Hopwood het opgemerk dat toegang tot inligting in baie gevalle afhang van die diskresie van staatsamptenare.WEBWERFDie IPPR se webwerf Transparent Oil Namibia (http://namibia.transparentoil.org/) bied nou die publiek die geleentheid om die inligting na te gaan wat wel oor PEL’s beskikbaar is.Die webwerf verskaf inligting oor lisensiehouers, wie die maatskappye besit en bestuur, waar dit geregistreer is, en hoe eienaarskap met die verloop van tyd verander het. “Deur beter toegang tot hierdie inligting sal dit makliker wees om moontlike korrupsie raak te sien en om voorspraak te maak vir beleidsveranderinge,” het Hopwood gesê.

IPPR probeer lig op lisensies werp

Kommentaar

Republikein 2026-01-09

Meld asseblief aan om kommentaar te lewer

IPPR probeer lig op lisensies werp

Kommentaar

Republikein 2026-01-09

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.