IOK sê steeds nee vir protes by Spele

Die Internasionale Olimpiese Komitee het bevestig dat hy steeds deelnemers verbied om by die Olimpiese Spele protes aan te teken, berig The Daily Telegraph.Dít nadat verskeie sportfederasies hul beleid in die nadraai van die dood van George Floyd in Minneapolis, Minnesota, verander het.Artikel 50 van die IOK se handves lui dat “geen protesaksie of politieke, godsdienstige of rassepropaganda by Olimpiese stadions, velde, tuistes of ander gebiede toegelaat word nie”.Deelnemers wat dié reëls oortree, sal gedissiplineer word. Die IOK het in Januarie riglyne uitgestuur wat lui dat spelers wat tydens die sing van ’n volkslied kniel onder dié artikel verbied word.Die IOK het aan The Telegraph gesê dié reëls staan steeds en dat die organisasie hom nie gaan uitlaat oor “hipotetiese gevalle 13 maande voordat die Spele in Japan gaan plaasvind nie”.Floyd, ’n swart Amerikaner, is op 25 Mei dood nadat ’n polisieman vir meer as nege minute met sy knie op Floyd se nek gekniel het. Die dood het tot wêreldwye protesaksies teen rassediskriminasie gelei.Verskeie sokkerspelers in Duitsland se Bundesliga het hul ondersteuning vir Floyd tydens wedstryde duidelik gemaak.Fifa, wat voorheen bitter min simpatie met spelers getoon het wat politieke of persoonlike standpunte in wedstryde probeer maak, het sy lede gevra om hul “gesonde verstand” te gebruik.Fifa, sokker se wêreldbeheerliggaam, wat voorheen bitter min simpatie met spelers getoon het wat politieke of persoonlike standpunte in wedstryde probeer maak, het sy lede gevra om hul “gesonde verstand” te gebruik.Roger Goodell, grootbaas van Amerika se National Football League (NFL) wat wyd gekritiseer is vir die wyse waarop hy in 2016 spelers se protesaksies oor rassediskriminasie in Amerika hanteer het, het die naweek erken dat hy foute begaan het en hierdie keer sal luister. Hy sê verder dat hy spelers se reg ondersteun om vreedsaam protes aan te teken.Hoewel protesaksie by die Olimpiese Spele taamlik min plaasvind, sal baie onthou hoe die Amerikaanse naellopers Tommie Smith en John Carlos in 1968 in Mexikostad met gebalde vuiste en swart handskoene gestaan het om teen rassediskriminasie protes aan te teken. – Netwerk24, Reuters

IOK sê steeds nee vir protes by Spele

Kommentaar

Republikein 2025-11-05

Meld asseblief aan om kommentaar te lewer

IOK sê steeds nee vir protes by Spele

Kommentaar

Republikein 2025-11-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.