Internasionale sprekers op verhoog

Die Professionele Sprekersvereniging van Namibië (PSAN) bied 6 en 7 April die Authentic Stage-konferensie in Windhoek aan. Verskeie professionele sprekers sal op dié twee dae die verhoog deel - onder meer 10 top- internasionale sprekers uit agt lande. Deelnemers aan die konferensie kan uitsien na twee dae van dinamiese voorleggings, insiggewende paneelbesprekings en praktiese sessies.Die konferensie vind daagliks van 08:00 tot 16:30 by die FNB Ou Kragstasie in die hoofstad plaas en sluit Saterdag om 18:30 by Kubata-restaurant af. Die PSAN is in Mei 2016 gestig en is 'n vrywillige organisasie wat sy lede met vaardighede vir 'n loopbaan as professionele spreker toerus. Lede sluit onder meer afrigters, skrywers, fasiliteerders en opgeleide programontwikkelaars in. Tans het die vereniging 70 aktiewe lede en bedien sprekers in Namibië. PSAN is lid van die Globale Sprekersfederasie en lede beklee sleutelposisies in die veld van sielkunde, menslike hulpbronne, die bankwese, media, openbare skakelwese, kommunikasiewese en die regering. Dit verskaf 'n platform en hulpbronne aan Namibiese sprekers om hul vaardighede as professionele sprekers te slyp. Die registrasieproses vir die konferensie is op die vereniging se webtuiste by https://www.psanamibia.org beskikbaar. Vir meer besonderhede skakel mnr. Caleb Kundai Mutombwa by 061 222 520 of stuur 'n e-pos na info@psanamibia.org.

Internasionale sprekers op verhoog

Kommentaar

Republikein 2025-06-19

Meld asseblief aan om kommentaar te lewer

Internasionale sprekers op verhoog

Kommentaar

Republikein 2025-06-19

Meld asseblief aan om kommentaar te lewer

MELD AAN

Advertensie