Internasionale hof soek antwoorde oor Al-Bashir
Suid-Afrikaanse owerhede is gevra om op 7 April in die Internasionale Kriminele Hof (ICC) in Den Haag te verskyn en vrae te beantwoord oor die land se mislukking om Soedan se president, Omar Hassan al-Bashir, tydens 'n besoek twee jaar gelede aan te keer, het 'n woordvoerder van die hof gister gesê.
Pretoria het reeds in 2015 sy voorneme aangedui om uit die ICC te tree nadat die Den Haagse hof die land gekritiseer het omdat Suid-Afrikaanse owerhede versuim het om uitvoering te gee aan 'n hofbevel om Al-Bashir in hegtenis te neem.
Al-Bashir word van volksmoord en oorlogmisdade beskuldig. Hy ontken die aantygings.
Intussen het ses voormalige regters van die konstitusionele hof in Suid-Afrika 'n voorlegging aan die parlement onderteken waarin hulle die regering vra om sy plan om hom aan die Internasionale Strafhof te onttrek, finaal te laat vaar.
Die regering het die Strafhof Dinsdag laat weet hy trek sy kennisgewing dat hy hom aan dié hof wil onttrek, terug. Die hooggeregshof in Pretoria het in Februarie beslis die regering se besluit om hom te onttrek, is ongrondwetlik omdat die parlement dit nie goedgekeur het nie.
Oudregter Zak Yacoob sê dit is nie 'n oorwinning omdat die regering sy kennisgewing aan die strafhof teruggetrek het nie. Dit kan eers as 'n oorwinning beskou word wanneer Suid-Afrika finaal besluit om sy planne vir onttrekking te laat vaar.
Yacoob het Woensdagoggend op 'n mediakonferensie in Johannesburg gepraat waar die Internasionale Kommissie van Juriste (ICJ) bekend gemaak het dat hy 'n voorlegging oor dié kwessie aan die parlement se portefeuljekomitee oor justisie oorhandig het.
In dié voorlegging waarsku hulle dat Suid-Afrika se onttrekking aan dié hof “katastrofiese gevolge” kan hê.
Die ses oudregters van die konstitusionele hof is Yacoob, Laurie Ackermann, Richard Goldstone, Johann Kriegler, Yvonne Mokgoro en Kate O'Regan. Navi Pillay, wat voorheen 'n regter van die Internasionale Strafhof was, het dit ook onderteken.
Wilder Tayler, sekretaris-generaal van die ICJ, het die voorlegging namens dié organisasie onderteken.
- Nampa/Reuters/ Netwerk24
Pretoria het reeds in 2015 sy voorneme aangedui om uit die ICC te tree nadat die Den Haagse hof die land gekritiseer het omdat Suid-Afrikaanse owerhede versuim het om uitvoering te gee aan 'n hofbevel om Al-Bashir in hegtenis te neem.
Al-Bashir word van volksmoord en oorlogmisdade beskuldig. Hy ontken die aantygings.
Intussen het ses voormalige regters van die konstitusionele hof in Suid-Afrika 'n voorlegging aan die parlement onderteken waarin hulle die regering vra om sy plan om hom aan die Internasionale Strafhof te onttrek, finaal te laat vaar.
Die regering het die Strafhof Dinsdag laat weet hy trek sy kennisgewing dat hy hom aan dié hof wil onttrek, terug. Die hooggeregshof in Pretoria het in Februarie beslis die regering se besluit om hom te onttrek, is ongrondwetlik omdat die parlement dit nie goedgekeur het nie.
Oudregter Zak Yacoob sê dit is nie 'n oorwinning omdat die regering sy kennisgewing aan die strafhof teruggetrek het nie. Dit kan eers as 'n oorwinning beskou word wanneer Suid-Afrika finaal besluit om sy planne vir onttrekking te laat vaar.
Yacoob het Woensdagoggend op 'n mediakonferensie in Johannesburg gepraat waar die Internasionale Kommissie van Juriste (ICJ) bekend gemaak het dat hy 'n voorlegging oor dié kwessie aan die parlement se portefeuljekomitee oor justisie oorhandig het.
In dié voorlegging waarsku hulle dat Suid-Afrika se onttrekking aan dié hof “katastrofiese gevolge” kan hê.
Die ses oudregters van die konstitusionele hof is Yacoob, Laurie Ackermann, Richard Goldstone, Johann Kriegler, Yvonne Mokgoro en Kate O'Regan. Navi Pillay, wat voorheen 'n regter van die Internasionale Strafhof was, het dit ook onderteken.
Wilder Tayler, sekretaris-generaal van die ICJ, het die voorlegging namens dié organisasie onderteken.
- Nampa/Reuters/ Netwerk24
Kommentaar
Republikein
Geen kommentaar is op hierdie artikel gelaat nie