Interdik beïnvloed grondhervorming

font face="Verdana" >font face="Verdana" > Denver Kisting – ‘n Hofuitspraak wat die betaling van grondbelasting ten bedrae van N$80 miljoen uitstel, plaas grondhervorming op die spel.Só het die Namibiese regering gister by monde van die adjunkwaardeerdergeneraal, mnr. Protasius Thomas, gereageer op ‘n hoërhofuitspraak van verlede week.In die eerste plek, het Thomas gisteroggend tydens ‘n ontbytprogram op nasionale televisie uitgevaar, behoort adjunkregterpresident Hosea Angula nie op die bank te gewees het nie.Thomas beweer die regter was nie onpartydig nie en moes homself verskoon het.Daarnaas bring die uitspraak in die hoërhof in Windhoek van verlede Woensdag ‘n aantal regsprosesse in die gedrang, sê hy. Sonder ‘n belastingklaringsertifikaat kan die regering geen plaas vir hervestiging koop nie. Boonop kan ‘n boedel, wat kommersiële landbougrond insluit, nie afgehandel word nie, maan Thomas. Daar kan selfs nie om befondsing van grond aansoek gedoen word sonder sodanige dokument nie, het hy gesê. “As daar nie spoedig opgetree word nie, sal daar geen mark vir grond wees nie. Die mark is verwring.”Hy voer voorts aan dat die drakapasiteit van grond wat volgens boere deurslaggewend is in die bepaling van die grond se waarde, nie ‘n belangrike oorweging is nie. “Mens kan dit nie kwantifiseer nie,” het hy gesê. Angula het verlede week gelas grondbelasting mag nie gehef word nie weens die vermeende onregmatighede van en ongerymdhede in die berekening van grondwaardes, en die redelike veronderstelling dat boere daardeur skade sal ly.Hy het ‘n interdik uitgereik teen enige aanslag van grondbelasting op kommersiële landbougrond wat ingevolge die omstrede voorlopige hoofwaardasierol van 1 April 2012 betaalbaar is. Dit is hangende hersieningsprosedures oor besware wat verlede jaar in die waardasiehof aangeteken is.Die hofbevel volg op ‘n dringende aansoek deur Traupe Farming en Mapan Boerdery namens 1 106 kommersiële boere teen die oplegging van grondwaardasies wat die waardasiehof in 2012 goedgekeur het.Daar was ongeveer 2 500 besware teen die voorlopinge waardasierol in 2012 en gedurende 23 September en 14 November 2016 het die waardasiehof verskeie uitsprake en bevele teen dié besware gelewer.Grondeienaars was ontevrede met hierdie uitsprake en het in Desember 2016 en Maart 2017 onderskeidelik appèl en hersieningsprosedures by die hoërhof ingedien.Die applikante het in hul dringende aansoek gesê onderhandelinge tussen die grondeienaars en die ministerie van grondhervorming het ‘n dooie punt bereik toe hul teenvoorstelle as onaanvaarbaar afgemaak is.Besware teen 2012-waardasierolDie beswaarmakers het aangevoer die 2012-waardasierol is vrot van die teenstrydighede. Grondbelasting is byvoorbeeld vanaf 2007 in die droë Aroab-streek met 987% verhoog teenoor die 147%-verhoging op landbouground in die vrugbare Otavi-vallei.Die aansoekers is van mening sulke waardasies is valse en misleidende waardes van die landbougrond.Hulle voer ook aan die waardasiehof is nie behoorlik saamgestel nie en die voorlopige waardasierol kan nie vir waardasiedoeleindes gebruik word nie.Thomas het gisteroggend opnuut gesê die regering is oortuig boere wil eenvoudig nie grondbelasting betaal nie omdat hulle nie ten gunste van grondhervorming is nie.Die president van die Namibië Landbou-unie (NLU), mnr. Ryno van der Merwe, het gister by navraag gesê: “Dis totaal onwaar (dat boere nie grondbelasting wil betaal nie). Ons sê ons is bereid om grondbelasting te betaal solank dit billik en regverdig is. Dit is ook ’n bydrae van voorheen bevoordeelde grondeienaars tot die grondhervormingsproses.”

Interdik beïnvloed grondhervorming

Kommentaar

Republikein 2025-05-12

Meld asseblief aan om kommentaar te lewer

Interdik beïnvloed grondhervorming

Kommentaar

Republikein 2025-05-12

Meld asseblief aan om kommentaar te lewer

MELD AAN

Advertensie