Inperking-regulasies vir fase twee gepubliseer

Elvira Hattingh - Die dra van maskers nou verpligtend in openbare plekke en besighede word aangemoedig om werknemers daarvan te voorsien, terwyl kwesbare werknemers nog toegelaat moet word om van die huis af te werk. Die regulasies vir fase twee van die grendelstaat is die afgelope Maandag deur die president in die Staatskoerant publiseer. Fase twee begin 23:59 op 4 Mei en kom ten ‘n einde op 23:59 op 1 Junie, is in aangekondig. Alle besighede en aktiwiteite mag voortgaan, behalwe vir teaters, kontaksport en sportgeleenthede, dobbelhuise, nagklubs, drankwinkels, kroeë, shebeens, konserte, gimnasiums en oefeningsentrums. Seminare, konferensies, slypskole en berade word tot tien persone beperk. Terselfdertyd moet restaurante en besighede wat kapana verkoop, slegs wegneemetes voorsien.Verder moet besighede toesien dat werkers ononderbroke die maatreëls volg om die verspreiding van Covid-19 te voorkom.In die staatskoerant is aangekondig samekomste word tot tien persone beperk, behalwe waar lede van een huishouding in hul woning bymekaar is, by werksplekke of in howe en by byeenkomste deur die kabinet, parlament en regeringsinstansies op nasionale, streeks- of plaaslike vlak. Ook moet alle skole en alle institute vir hoër onderrig gesluit bly, terwyl alternatiewe leermetodes van stapel gestuur word. Alkohol mag steeds nie gekoop of verkoop word nie, buiten vir uitvoerdoeleindes of wanneer dit ingevoer word om later weer uitgevoer te kan word. Die polisie kan drank sonder ‘n lasbrief konfiskeer, sou hulle vermoed dat dit gekoop of verkoop word.Persone wat Namibiese burgers is, permanente verblyf of domisilie in Namibië het, andersins wettig hier woon, mediese personeel uit die buiteland wat met die pandemie kom help asook diplomate, of kinders van hierdie persone, mag die land binnekom. So ook mag persone die land binnekom wat voertuie, treine, vliegtuie of skepe bestuur en goedere vervoer, of dienste lewer sodat hierdie voertuie kan werk of ander noodsaaklike dienste vir die vervoer van goedere verrig.Die minister kan toestemming verleen vir ander persone om die land binne te kom. Diegene wat egter wel die land binnekom, sal aan kwarantyn-vereistes onderhewig wees. Die vervoer van mense en goedere mag weer voortgaan, terwyl eienaars van openbare vervoer moet seker maak hul werksaamhede en werknemers asook diegene wat van hul dienste gebruik maak, gee gehoor aan maatreëls om te keer dat Covid-19 versprei.Tydens fase twee van die inperkingstyd is dit ‘n oortreding van die wet om jouself valslik as ‘n wetstoepasser voor te doen, terwyl jy ook nie ‘n amptenaar mag verhoed of verhinder om sy werk te doen nie.Dit is ook ‘n oortreding om vals of misleidende inligting aan ‘n amptenaar te gee. Verder mag jy nie – op enige media – vals of misleidende inligting oor die Covid-19-status van enige iemand publiseer of oor die maatreëls wat betrekking het om die verspreiding daarvan te voorkom nie. Vir die oortreding van enige van hierdie regulasies kan ‘n persoon ‘n boete van tot N$2 000 opgelê word of ses maande tronkstraf, of beide.

Inperking-regulasies vir fase twee gepubliseer

Kommentaar

Republikein 2025-04-30

Meld asseblief aan om kommentaar te lewer

Inperking-regulasies vir fase twee gepubliseer

Kommentaar

Republikein 2025-04-30

Meld asseblief aan om kommentaar te lewer

MELD AAN

Advertensie