Inperking gaan ekonomie kelder

Jo-Maré Duddy – ‘n Verlengde inperking kan een uit elke vier Namibiërs se werk in gevaar stel, het kenners die regering gewaarsku.‘n Verslag wat aan die regering voorgelê is, sê die huidige inperking van drie weke beteken die ekonomie gaan op sy beste vanjaar met -6,7% groei. Sowat 90 000 mense gaan hul werk verloor.Nóg ‘n inperking van drie weke kan ekonomiese groei vanjaar na -13% laat tuimel en ‘n kwart van die land se aktiewe arbeidsmag uitwis.President Hage Geingob het Dinsdag die inperking met 17 dae verleng.Die Bankiersvereniging van Namibië (BAN) en die Ekonomiese Vereniging van Namibië (EAN) het ‘n ekonomiese impakstudie vir die regering voorberei. Republikein het dié verslag deur ander kanale bekom en die inhoud daarvan onafhanklik bevestig.Hul beramings van die impak is konserwatief en dit kan “aansienlik groter” wees, sê BAN en EAN in die verslag.Met die huidige inperking het Namibië reeds rofweg N$1,25 miljard in uitvoerverdienste elke week verloor. Dié bloeding sal voortduur. (Lees volledige berig in Market Watch.)As die eksterne skok op toerisme en verwante nywerhede buite rekening gelaat word, kos die inperking die ekonomie reeds meer as N$2 miljard. In sy geheel, ploeter die ekonomie tans teen sowat 43% van sy normale kapasiteit voort, luidens die verslag.Die verslag maan dat die meeste werkverliese in die informele sektor verwag word. Sowat 420 000 mense maak tans ‘n bestaan hieruit.Dié sektor benodig tans ‘n stimulus van N$200 miljoen per week. Verdere inperkings gaan ‘n groter stimulus nodig hê om te voorkom dat die ekonomie “nie meer in duie stort as wat voorheen verwag is nie” en dat werkverliese nie groter is nie.BegrotingSou die ekonomie met net sowat 6% inkrimp, gaan die regering se inkomste in die 2020-’21-begrotingsjaar met sowat N$5,4 miljard val. ‘n Verlengde inperking en ekonomiese groei wat dieper in die rooi wegsink, kan dié bedrag egter bykans verdubbel.Met besteding wat met minstens N$2,2 miljard in die nuwe begroting sal moet bult, kan ‘n begrotingstekort van minstens N$15,8 miljard verwag word. Voor die uitbreking van Covid-19 was die geskatte tekort sowat N$7,13 miljard.‘n Verlengde inperking kan die begrotingstekort tot N$20 miljard opjaag.Na raming kan dit skuld tot amper N$117 miljard of 70,6% van die bruto binnelandse produk (BBP) verhoog.Die BAN en EAN sê ‘n gebalanseerde benadering tot die krisis is noodsaaklik.“Dit vereis ‘n holistiese siening van die gesondheids- en ekonomiese aspekte van die virus en die reaksie daarop.”‘Ekonomiese selfmoord’Mnr. Eben de Klerk, ‘n bestuurslid van die Economic Policy Research Association (EPRA), sê hy stem saam met die BAN en EAN se verslag.Die regering is “totaal oorversigtig in lig van die ekonomiese selfmoord wat hulle nou pleeg”, het De Klerk aan Republikein gesê.“Die regering se onvermoë om te verstaan hoe eerlike, volhoubare besigheid werk, en die gevolge as dit nie meer werk nie, het ons land in die verlede reeds al baie ekonomiese skade berokken.“So ook sal hierdie besluit. Ons is besig om die hele land in ICU te sit, met min kans vir herstel,” aldus De Klerk.Nog renteverligtingIn ‘n poging om verbruikers en besighede se Covid-pyn te verlig, het die Bank of Namibia (BoN) gister sy repokoers met nóg 100 basispunte na 4,25% verlaag.Dit beteken plaaslike handelsbanke se prima-uitleenkoers sal na 8% verminder, terwyl die basishuisleningskoers na 9% sal daal.Dit is die derde rentekoersverlaging vanjaar. In Maart het die BoN in ‘n buitengewone stap sy repo ook met 100 basispunte verminder en in Februarie is die koers met 25 basispunte verlaag. - jo-mare@republikein.com.na

Inperking gaan ekonomie kelder

Kommentaar

Republikein 2026-01-12

Meld asseblief aan om kommentaar te lewer

Inperking gaan ekonomie kelder

Kommentaar

Republikein 2026-01-12

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.