Inheemse groepe se kennis troef klimaatverandering

Dr. Kobus LaubscherDie droogtes wat veral Afrika suid van die Sahara in ''n wurggreep het, se vernietigende gevolge is sigbaar en sensasioneel.Wat egter wegraak in al die baie argumente wat as oorsake gelys en bewys kan word, is die oorlewingsvermoë van inheemse mense in dié gebiede en veral die diere waarop hulle vir oorlewing aangewese is. Die Voedsel- en Landbou-organisasie (FAO) ondersoek in ''n verslag die vermoë van lewende hawe om te help met oorlewing te midde van ontwrigtende klimaatverandering. Die klem val veral op die diversiteit van lewende hawe en die volgende inherente kenmerke is van belang.Aangepaste lewende hawe kan oorleef op lae kwaliteit voer en weiding en kan uiterste temperature weerstaan, met bewese verdraagsaamheid vir bekende siektes asook droogtebestandheid. In baie gebiede moet lang afstande afgelê word tot by water, maar lewende hawe sorg vir produkte soos melk, eiers en vleis – selfs onder die slegste toestande denkbaar.Die mens word direk en indirek versorg as gevolg van hul diversiteit soos uitgelig. Nie alleen verhoog dit die mens se eie vermoë om droogte, oorstromings en siektes te oorleef nie; dit ontsluit ook landbougrond wat nie geskik is vir gewasverbouing nie. In hierdie opsig is die aansprake van die georganiseerde wildbedryf in die kol naamlik dat grond wat eintlik nie geskik is vir landbouproduksie nie, deur wild benut kan word.''n Verdere voordeel is dat hertoedeling moontlik is waarvolgens spesies verskuif kan word om spesifieke genetiese potensiaal te optimaliseer. Bokboerdery in afgeleë gebiede is ''n voorbeeld. Namate die diversiteit van lewende hawe benut word, ontwikkel nuwe weidingsgebiede en word biodiversiteit bevorder deur die mis van die diere op weiveld. Die laaste en seker die belangrikste voordeel vir die mensdom, is kos vir miljoene mense en dit is ''n bron van diverse inkomste, sê die FAO. KlimaatveranderingDaar is na raming ongeveer 800 beesrasse wat verskillend bydra tot die bekamping van die negatiewe impak van klimaatverandering en waar die aarde voordele behaal op grond van die diversiteit soos bespreek. Die geleentheidskoste van onbehoorlike ontsluiting van dié diversiteit is ewe veelseggend, naamlik verminderde vermoë om die impak van klimaatveranderinge te trotseer, verminderde beskikbaarheid van kos en uiteraard ''n verlies aan inkomste. Daar moet dus kennis geneem word van die onderliggende risiko''s, naamlik dat nie minder nie as 17 lewende hawe spesies op die rand van uitwissing is en vir 58% is dié risikostatus onbekend.Die FAO gee vervolgens ''n eenvoudige lys van stappe wat gevolg kan word om die situasie om te keer en dit sluit in bewustheid van die voordele van diversiteit en om waarde te heg aan wat daaruit voortvloei. Derdens bly dit noodsaaklik om die rol van boere en herders in die behoud en uitbouing van die diversiteit te verstaan en te vergemaklik, met ''n beroep op instellings om deurlopend die genetiese diversiteit te beskerm en uit te bou.Inheemse kundigheid ten opsigte van voedsel komplementeer diversiteit in die lewende hawe bedryf om die wolf van die deur af te hou – verwysend na die uiters negatiewe impak van klimaatverandering op veral bestaansboere.Daar is al hoe meer bewyse van hoe inheemse bevolkingsgroepe deur hul kennis van die omstandighede, beskikbare kos, die oes daarvan en om in harmonie met die natuur te leef, aan oorlewing ''n nuwe dimensie gee. Inheemse kundigheid van verbouingspraktyke en lewendehaweproduksie is uitstekende bewyse van ''n veerkragtigheid om uitdagings van klimaatveranderings te oorleef. Die FAO wys ook op die waarde van respek vir die natuur by inheemse bevolkingsgroepe, wat eintlik biodiversiteit bly bevorder. Die vraag is dus hoe oplossingsgerig die moderne wêreld eintlik is?

Inheemse groepe se kennis troef klimaatverandering

Kommentaar

Republikein 2026-10-07

Meld asseblief aan om kommentaar te lewer

Inheemse groepe se kennis troef klimaatverandering

Kommentaar

Republikein 2026-10-07

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.