Informele verkopers lug griewe oor nuwe geriewe

Elizabeth Joseph op Keetmanshoop – Die munisipaliteit op Keetmanshoop het in samewerking met die Deutsche Gesellschaft für Internationale Zusammenarbeit (GIZ) 'n projek van stapel gestuur om mobiele stalletjies aan informele handelaars en straatverkopers te verskaf sodat hulle nie hul produkte op straat hoef te werk nie. Die projek is ook 'n Covid-19-verligtingstrategie.Altesaam 30 mobiele stalletjies, wat ongeveer N$80 000 gekos het om te monteer, is vir die handelaars in die middedorp opgerig. Dit is minder as twee weke sedert die oprigting en probleme steek reeds kop uit.Tydens 'n onderhoud met van die geregistreerde handelaars het die meerderheid gekla oor waar die stalletjies opgerig is en die beperkte ruimte binne die stalletjies. 'STALLETJIES TE KLEIN'Sommige van die handelaars het gesê daar is nie genoeg ruimte in die stalletjies om hul produkte te verkoop en te stoor nie.“Ek is bevrees die ruimte is nie genoeg nie. 'n Mens wil nie kla nie, maar as ek eerlik moet wees, verkies ek dit buite. Daar kon kliënte ons ook beter sien, terwyl hulle nou sukkel om te weet waar hulle moet gaan. Ons verkies nou eerder om buite te sit en van daar af te verkoop," het een van die handelaars, me. Evelina Shigwedha, gesê.Me. Selma Dirks, wat al meer as vier jaar 'n handelaar is, sê sy waardeer dit om in beter omstandighede te werk.“Die enigste probleem wat ek met die mobiele stalletjies het, is ons word steeds vreeslik aan die son blootgestel.“Daar is ook sekere handelaars wat nie geregistreer is nie en nie die maandelikse huur betaal nie en bloot op die perseel opdaag en begin verkoop,” het Dirks gesê.Benewens die jaarlikse registrasiegeld van N$420, betaal handelaars ook maandelikse huur van N$100, wat volgens hulle billik is.Volgens Dirks het hulle ook ablusiegeriewe waarvoor hulle N$2 per keer betaal vir die instandhouding van die geriewe, waarvoor sy verantwoordelik is.Volgens die munisipaliteit se skakelbeampte, me. Dawn Kruger, gee die departement van gesondheid toestemming aan alle informele handelaars om op 'n spesifieke plek handel te dryf.“Al die handelaars wat tans in mobiele stalletjies is, is geregistreer. Die res van die mense het spesiale toestemming gekry om daar te werk,” het sy gesê. GEEN ELEKTRISITEITDie meeste handelaars was ook onder die indruk elektrisiteit sou voorsien word om omstandighede makliker te maak, maar volgens Kruger was dit nooit bespreek nie.“Die enigste ding wat ons gedoen het, was om saam met GIZ te werk en daardie mobiele stalletjies op te rig. Daar was geen sprake dat ons elektrisiteit sou verskaf nie,” het sy gesê.Die munisipaliteit het sedertdien belowe om die handelaars persoonlik te betrek en hul bekommernisse te bespreek. – republikein@republikein.com.na

Informele verkopers lug griewe oor nuwe geriewe

Kommentaar

Republikein 2026-01-01

Meld asseblief aan om kommentaar te lewer

Informele verkopers lug griewe oor nuwe geriewe

Kommentaar

Republikein 2026-01-01

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.