Inferno eis 'n lewe
Een persoon is dood en talle gesinne dakloos gelaat in twee afsonderlike brande aan die kus.
Erwin Leuschner – Ses-en-dertig plakkershutte aan die kus het die naweek tydens twee afsonderlike brande heeltemal afgebrand. Een persoon is dood, terwyl talle gesinne dakloos gelaat is. Streekpolitici wil nou optree, want toegang tot meer brandkrane kan die brandweer se reaksietyd versnel.
“'n Massiewe ramp.” Só het me. Ciske Howard-Smith (IPC), voorsitter van die Erongo-streekraad, Vrydag die reusebrand in Swakopmund beskryf. Sy was in die informele nedersetting DRC om die skade eerstehands te beskou. Sy het ook spoedig noodskuilings georganiseer vir diegene wat geraak is.
“Ons het gevra vir 'n noodvergadering met die stadsraad vandag (Maandag) om strategieë te bespreek sodat voorvalle van hierdie omvang in die toekoms vermy kan word,” het sy gesê.
Volgens die polisie is 33 plakkershutte heeltemal in die brand vernietig. Die oorsaak is glo 'n agtjarige wat saam met sy 15-jarige suster met 'n vuurhoutjie gespeel het. “Hy het 'n vuurhoutjie op 'n speelse manier aangesteek en in die rigting van 'n gasbottelstoof gegooi en die plakkershut het in vlamme opgegaan,” het die polisie se bevelvoerder van gemeenskapsake in die Erongostreek, insp. Ileni Shapumba, gesê.
Terwyl die seun glo weggehardloop het, het sy suster vergeefs probeer om die brand te blus. “Die eiendom is aansienlik beskadig,” het Shapumba voortgegaan. “Wonder bo wonder is niemand beseer nie.”
Skaars ure ná die Swakopmund-ramp is drie plakkershutte in Walvisbaai tydens 'n ander brandvoorval vernietig. Volgens Shapumba het die brand kort ná middernag in die Kuisebmond-nedersetting plaasgevind. “Die vermoede is dat die brand in die oorledene se plakkershut ontstaan het, aangesien hy glo besig was om te kos te maak toe die brand uitgebreek het,” het Shapumba gesê.
Die oorledene se identiteit is nog nie bevestig nie.
“Die waterpunte, veral in die informele nedersetting DRC, is skaars en ver uitmekaar,” het Howard-Smith Vrydag gesê. Hoewel die brandweer spoedig op die toneel was, het kosbare tyd om die brand te blus verlore gegaan, aangesien die brandweerwa 'n ent moes ry om hervul te word.
“Dit is kommerwekkend en dit is belangrik dat ons dié kwessie dringend aanpak,” het sy bygevoeg. Met meer waterpunte kan brande, wat 'n algemene verskynsel in Swakopmund en Walvisbaai is, vinniger geblus word voordat dit na omliggende eiendomme versprei. “Hierdie is 'n slegte situasie, waar die tye in elk geval baie moeilik is vanweë die Covid-19-pandemie,” het Howard-Smith voorts gesê.
Die Swakopmund-munisipaliteit het vinnig hulp vir die geaffekteerde gemeenskappe aangebied.
Vrydagmiddag is tente by die Mondesa-sportveld opgeslaan, waar basiese benodigdhede aan die slagoffers beskikbaar gestel is.
“Ek sal dié naweek sop aan die slagoffers voorsien en Maandag hul individuele behoeftes herevalueer,” het Howard-Smith afgesluit.
– [email protected]
“'n Massiewe ramp.” Só het me. Ciske Howard-Smith (IPC), voorsitter van die Erongo-streekraad, Vrydag die reusebrand in Swakopmund beskryf. Sy was in die informele nedersetting DRC om die skade eerstehands te beskou. Sy het ook spoedig noodskuilings georganiseer vir diegene wat geraak is.
“Ons het gevra vir 'n noodvergadering met die stadsraad vandag (Maandag) om strategieë te bespreek sodat voorvalle van hierdie omvang in die toekoms vermy kan word,” het sy gesê.
Volgens die polisie is 33 plakkershutte heeltemal in die brand vernietig. Die oorsaak is glo 'n agtjarige wat saam met sy 15-jarige suster met 'n vuurhoutjie gespeel het. “Hy het 'n vuurhoutjie op 'n speelse manier aangesteek en in die rigting van 'n gasbottelstoof gegooi en die plakkershut het in vlamme opgegaan,” het die polisie se bevelvoerder van gemeenskapsake in die Erongostreek, insp. Ileni Shapumba, gesê.
Terwyl die seun glo weggehardloop het, het sy suster vergeefs probeer om die brand te blus. “Die eiendom is aansienlik beskadig,” het Shapumba voortgegaan. “Wonder bo wonder is niemand beseer nie.”
Skaars ure ná die Swakopmund-ramp is drie plakkershutte in Walvisbaai tydens 'n ander brandvoorval vernietig. Volgens Shapumba het die brand kort ná middernag in die Kuisebmond-nedersetting plaasgevind. “Die vermoede is dat die brand in die oorledene se plakkershut ontstaan het, aangesien hy glo besig was om te kos te maak toe die brand uitgebreek het,” het Shapumba gesê.
Die oorledene se identiteit is nog nie bevestig nie.
“Die waterpunte, veral in die informele nedersetting DRC, is skaars en ver uitmekaar,” het Howard-Smith Vrydag gesê. Hoewel die brandweer spoedig op die toneel was, het kosbare tyd om die brand te blus verlore gegaan, aangesien die brandweerwa 'n ent moes ry om hervul te word.
“Dit is kommerwekkend en dit is belangrik dat ons dié kwessie dringend aanpak,” het sy bygevoeg. Met meer waterpunte kan brande, wat 'n algemene verskynsel in Swakopmund en Walvisbaai is, vinniger geblus word voordat dit na omliggende eiendomme versprei. “Hierdie is 'n slegte situasie, waar die tye in elk geval baie moeilik is vanweë die Covid-19-pandemie,” het Howard-Smith voorts gesê.
Die Swakopmund-munisipaliteit het vinnig hulp vir die geaffekteerde gemeenskappe aangebied.
Vrydagmiddag is tente by die Mondesa-sportveld opgeslaan, waar basiese benodigdhede aan die slagoffers beskikbaar gestel is.
“Ek sal dié naweek sop aan die slagoffers voorsien en Maandag hul individuele behoeftes herevalueer,” het Howard-Smith afgesluit.
– [email protected]
Kommentaar
Republikein
Geen kommentaar is op hierdie artikel gelaat nie