Indongo-geveg kry ál meer stoom
Boks
Dit is klaarblyklik nie genoeg dat altesame vyf wêreldtitels vir die eerste keer in boksgeskiedenis op die spel sal wees wanneer Namibië se Julius Indongo op 19 Augustus vir Terence Crawford in Nebraska gaan aandurf nie.
Die twee junior weltergewigte se komende botsing sal die eerste keer in elf jaar wees dat meer as drie wêreldbeheerliggame se kampioengordels op die spel sal staan.
Boonop sal die gesogte Ring Magazine 'n sesde kampioengordel aan die wenner oorhandig, wat vir Crawford óf Indongo sy status as pond vir pond een van die beste vegters ter wêreld sal bevestig, het die Namibiër se promotor Nestor Tobias gister aangekondig.
Die pond vir pond ranglys weeg boksers op grond van hul gehalte asook die gehalte van die teenstand wat hulle oorkom het, as 'n maatstaf van wie sou wen indien hulle in dieselfde gewigsklas sou wees.
Ring Magazine se huidige toptienlys pond vir pond boksers ter wêreld is soos volg:
1. Andre Ward (VSA), onbetwiste ligswaargewigkampioen (WBA, IBF, WBO)
2. Gennady Golovkin (Kazakstan), middelgewig superkampioen (WBA, WBC, IBF)
3. Roman Gonzalez (Nicaragua), supervlieggewig.
4. Terence Crawford (VSA), junior weltergewig WBC- en WBO-kampioen.
5. Vasyl Lomachenko (Oekraïne), superveergewig (WBO superkampioen).
6. Guillermo Rigodeaux (Kuba), junior veergewig superkampioen (WBA).
7. Sergey Kovalev (Rusland).
8. Saul (Canelo) Alvarez (Mexiko), WBC en WBO superkampioen.
9. Shinsuke Yamanaka (Japan), WBC kapokgewigkampioen.
10. Naoya Inoue (Japan), supervlieggewig WBO-kampioen.
• Die Filippynse legende Manny Pacquaio se omstrede nederlaag met punte laas naweek teen Jeff Horn van Australië was vir Crawford 'n groot teleurstelling. Met 'n oorwinning sou 'n volgende geveg teen Crawford gewis een van die gróót finansiële trekpleister gewees het vanweë die groot aanhang wat beide vegters geniet.
Crawford en Pacquaio se sake word beide deur Top Rank as promotors behartig en dit sou dus kontraktueel redelik eenvoudig gewees het om hulle te laat ontmoet.
Hoewel die Amerikaner aanvanklik galsterig was dat die Filippyn nou straks uit die prentjie gehaal is, het hy ook erken dat Pacquaio die volste reg verdien om sy roemryke loopbaan op sy eie terme af te sluit.
Die twee junior weltergewigte se komende botsing sal die eerste keer in elf jaar wees dat meer as drie wêreldbeheerliggame se kampioengordels op die spel sal staan.
Boonop sal die gesogte Ring Magazine 'n sesde kampioengordel aan die wenner oorhandig, wat vir Crawford óf Indongo sy status as pond vir pond een van die beste vegters ter wêreld sal bevestig, het die Namibiër se promotor Nestor Tobias gister aangekondig.
Die pond vir pond ranglys weeg boksers op grond van hul gehalte asook die gehalte van die teenstand wat hulle oorkom het, as 'n maatstaf van wie sou wen indien hulle in dieselfde gewigsklas sou wees.
Ring Magazine se huidige toptienlys pond vir pond boksers ter wêreld is soos volg:
1. Andre Ward (VSA), onbetwiste ligswaargewigkampioen (WBA, IBF, WBO)
2. Gennady Golovkin (Kazakstan), middelgewig superkampioen (WBA, WBC, IBF)
3. Roman Gonzalez (Nicaragua), supervlieggewig.
4. Terence Crawford (VSA), junior weltergewig WBC- en WBO-kampioen.
5. Vasyl Lomachenko (Oekraïne), superveergewig (WBO superkampioen).
6. Guillermo Rigodeaux (Kuba), junior veergewig superkampioen (WBA).
7. Sergey Kovalev (Rusland).
8. Saul (Canelo) Alvarez (Mexiko), WBC en WBO superkampioen.
9. Shinsuke Yamanaka (Japan), WBC kapokgewigkampioen.
10. Naoya Inoue (Japan), supervlieggewig WBO-kampioen.
• Die Filippynse legende Manny Pacquaio se omstrede nederlaag met punte laas naweek teen Jeff Horn van Australië was vir Crawford 'n groot teleurstelling. Met 'n oorwinning sou 'n volgende geveg teen Crawford gewis een van die gróót finansiële trekpleister gewees het vanweë die groot aanhang wat beide vegters geniet.
Crawford en Pacquaio se sake word beide deur Top Rank as promotors behartig en dit sou dus kontraktueel redelik eenvoudig gewees het om hulle te laat ontmoet.
Hoewel die Amerikaner aanvanklik galsterig was dat die Filippyn nou straks uit die prentjie gehaal is, het hy ook erken dat Pacquaio die volste reg verdien om sy roemryke loopbaan op sy eie terme af te sluit.
Kommentaar
Republikein
Geen kommentaar is op hierdie artikel gelaat nie