Indiese Oseaan begin afkoel

Elvira Hattingh - Vanaf Januarie tot Maart 2020 sal die grootste dele van Namibië na verwagting normale tot ondernormale reën ontvang, terwyl die ||Kharas- en Hardapstreek ondernormale tot normale reën kan verwag.Mnr. Simon Dirkse, hoof van die weerkantoor se klimaat- en databank, het verlede week ‘n opgedateerde seisoenale vooruitskouing vir reën uitgereik. Hierin word verduidelik die kans op normale reënneerslae is 40% vir die streke Zambezi, Kavango-Oos en -Wes, Ohangwena, Oshikoto, Oshana, Omusati, Otjozondjupa, Erongo, Omaheke, Khomas en Kunene. In die gebiede is daar ‘n 25% kans op bonormale reënneerslae en 35% vir ondernormale reëns.Dirkse meen egter die Suide se vooruitsigte is minder belowend met ‘n 40%-kans dat die gebied ondernormale reën sal ontvang.Mnr. Johan van den Berg, landbouweerkundige by Santam Suid-Afrika, het in sy jongste nuusbrief oor klimaatsvooruitsigte op 21 November weer eens gesê hy verwag dat reëntoestande in Namibië “beter tydens die tweede deel van die seisoen” sal wees.WARM INDIESE OSEAANIntussen het die Australiese Buro vir Meteorologie in hul uitkykstatus van 10 Desember gesê die sterk positiewe Indiese Oseaan-dipool (IOD) begin “afbreek”. Dit is positiewe nuus omdat ‘n sterk IOD sleg is vir reënneerslae in Suider-Afrika.“IOD-waardes het geleidelik verswak sedert dit ‘n piek van +2,1 °C teen middel-Oktober bereik het. Die jongste weeklikse meting van +0,9 °C is egter steeds ver bo die positiewe IOD-drempel van +0,4 °C,” het die buro geskryf. “Die meeste internasionale klimaatmodelle dui daarop dat die positiewe IOD teen die middel van die somer sal wyk wanneer die moeson die suidelike halfrond betree.”Volgens Dirkse se verslag is die huidige abnormale warm seeoppervlakte in die suidwestelike Indiese Oseaan nie goeie nuus vir Namibië se reënvooruitsigte nie omdat dit “tot die vorming van ‘n groter getal tropiese siklone sal lei wat reënneerslae oor die aangrense SADC-streek sal onderdruk”. Van den Berg stem saam. “Koeler water in die Indiese Oseaan kom tans teen die noordwestelike dele van Australië voor, terwyl warmer water nader aan die sentrale en suidelike kuslyn van Afrika is.“Dit is baie negatief vir reënvooruitsigte vir die suider-Afrikaanse vasteland as gevolg daarvan dat vog vanaf suider-Afrika na die Indiese Oseaan uitvloei, instede daarvan dat dit suidwaarts vloei. “Kenners glo egter dat die IOD vanaf Januarie na neutrale toestande sal terugkeur,” het Van den Berg gesê.EL NIÑO RUS EERSIetwat meer optimistiese nuus is dat kenners meen geen El Niño behoort te ontwikkel nie, met sommige wat meen ‘n La Niña mag dalk volgende jaar vorm.Die nie-regeringorganisasie wat sattellietbeelde wetenskaplik ontleed en bestudeer, het vandeesweek geskryf dat die Oseaniese Niño-indeks nou net 0,3 °C warmer as normaal is, wat goed binne neutrale ENSO-vlakke val. LandWater meen huidige tendense kan beteken ‘n La Niña vorm dalk volgende jaar, wat goeie nuus vir reënneerslae in suider-Afrika is. Dirkse sê die ietwat warmer seeoppervlaktemperature in die Stille Oseaan gedurende Oktober en vroeg in November is soortgelyk aan wat ervaar word tydens swak El Niño-toestande. “Tog is hierdie nagenoeg normale temperature eerder ‘n uitwerking van intra-seisoenale wisselvalligheid en nié El Niño-toestande nie. “Die meeste klimaatmodelle dui aan ENSO-neutrale toestande behoort voort te duur en ons verwag nie dat ‘n El Niño sal ontwikkel nie,” het hy gesê. Hierdie stem ooreen met die jongste uitkykstatus op 12 Desember deur Amerika se Nasionale Oseaniese en Atmosferiese Administrasie (NOAA). Hiervolgens is daar ‘n 70% kans dat neutrale ENSO-toestande tydens ons somer sal voortduur, met ‘n verdere 65% kans dat dit ook tydens lente sal voortduur. - elvira@republikein.com.na

Indiese Oseaan begin afkoel

Kommentaar

Republikein 2026-07-31

Meld asseblief aan om kommentaar te lewer

Indiese Oseaan begin afkoel

Kommentaar

Republikein 2026-07-31

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.