Indië vier 71ste Republiekdag

Julienne van Rooyen - Die Indiese gemeenskap in Namibië is klein, maar het betekenisvolle bydraes aan Namibië gelewer.Só het die hoë kommissaris van Indië in Namibië, mnr. Prashant Agrawal, tydens die land se 71ste Republiekdagvieringe gesê. “Ek is trots om te sê die waardes wat die grondwet van die Indiese republiek verteenwoordig, is deel van ons samelewing se DNS en sal altyd so bly,” het hy gesê.Agrawal het op die vorige jaar se uitdagings gefokus – veral op die klimaatskrisis en Indië se doelwit om 100 000 MW se herwinbare energie vanjaar op te wek. Indië was ook een van die eerste lande wat Namibië met droogtehulp ondersteun het. Agrawal sê Indië wil sy betrekkinge met Afrika versterk.“Ons vennootskap verteenwoordig vandag meer as twee miljard mense in Afrika en Indië se gedeelde drome en strewes.” Hy het ’n les van Mahatma Gandhi, die vader van die Indiese nasie, uitgelig, naamlik om diens aan die mensdom as voorbeeld vir vennootskappe te gebruik. Dit sluit in die Jaipur-voetkamp, waartydens 400 Namibiërs gehelp is om met prostetiese ledemate te leer loop.Hul boomplantinisiatiewe help met die voorkoming van verwoestyning met honderde bome wat al in Namibië geplant is. Volgens statistieke van die Namibië Statistieke-agentskap (NSA), wat in die derde kwartaal van 2019 bekend gestel is, is Indië Namibië se vierde grootste invoervennoot.Die Indiese gemeenskap is ook veral trots op me. Mary Yesudhasan, St. Boniface College op Rundu se skoolhoof, wat jaar ná jaar toppresteerders oplewer. Die adjunkpremier en minister van internasionale betrekkinge en samewerking, me. Netumbo Nandi-Ndaitwah, was ook by die vieringe teenwoordig en het haar gelukwensinge aan die regering van die republiek van Indië oorgedra.“Indië was een van die eerste vriende van Namibiërs in die vryheidstryd en bly ’n gewaardeerde ontwikkelingsvennoot sedert onafhanklikheid 30 jaar gelede.”

Indië vier 71ste Republiekdag

Kommentaar

Republikein 2025-09-19

Meld asseblief aan om kommentaar te lewer

Indië vier 71ste Republiekdag

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie