Indië koop dalk weer wapens by Denel

Sarel Van Der Walt, Tshidi Madia – Daar is moontlik ’n lig in die tonnel vir Denel wat finansieel baie diep in die moeilikheid is.Dit het in die naweek met pres. Cyril Ramaphosa se staatsbesoek aan Indië bekend geword dat dié land dit oorweeg om sake met die Suid-Afrikaanse wapenvervaardiger te doen.Ramaphosa wou nie veel sê nie, maar het toegegee Indië – wat naas China die grootste weermag ter wêreld het – het sy oë op Denel.Ramaphosa was die hoofgas op die parade waar Indië sy 70ste republiekfees gevier het. Indië het sy militêre mag op dié parade ten toon gestel.Die Sunday Times berig Ramaphosa het Narendra Modi, Indiese premier, Vrydag oortuig Indië moet wapentuig by Denel koop.Indië het Denel ’n dekade lank geboikot weens beweerde korrupsie in 2005. Dié boikot is verlede jaar opgehef ná gesprekke tussen Ramaphosa en Modi by die Brics-beraad wat in Johannesburg gehou is.Pravin Gordhan, minister van openbare ondernemings wat een van die ministers was wat die president vergesel het, sê die Indiese mark is baie belangrik vir Denel.“Ons weet die Indiese mark is ’n baie belangrike mark vir Denel. Die Indiese regering was baie tegemoetkomend teenoor ons om sommige geskiedkundige probleme wat daar was tot die verlede te laat behoort. Die pad is nou oop,” sê Gordhan.Hy het verlede week ontken dat daar ’n voorstel van Saoedi-Arabië is om Denel oor te neem.Lindiwe Sisulu, minister van internasionale betrekkinge en samewerking, het aan die Sunday Times gesê Indië het vir lank geglo Denel het nie “met integriteit” opgetree nie.Denel het verlede jaar ’n verlies van sowat R1,7 miljard gely weens wanbestuur wat die gevolg van staatskaping was.Ramaphosa, wat voor sy besoek aan Indië die Wêreld- Ekonomiese Forum se jaarlikse beraad in Davos, Switserland, bygewoon het, het Indiese sakelui genooi om in Suid-Afrika te kom belê.Die sowat 150 Indiese maatskappye wat in die land sake doen, is volgens die Suid-Afrikaanse staatshoof hier om sake te doen en nie om redes wat op rentebejag dui nie.Hulle is nie hier om “vreemde ondernemings” te bedryf nie, het hy met moontlike verwysing na die omstrede Gupta-familie gesê. Dit het ’n gegiggel in die gehoor afgegee. – Netwerk24

Indië koop dalk weer wapens by Denel

Kommentaar

Republikein 2026-05-05

Meld asseblief aan om kommentaar te lewer

Indië koop dalk weer wapens by Denel

Kommentaar

Republikein 2026-05-05

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.