In beeld: Gemiddelde nuwe gevalle per dag

Ons kaart wys die daaglikse gemiddelde nuwe gevalle per distrik (gemeet oor sewe dae) met die gemiddeld van ‘n week tevore in hakies, waar die gemiddeld per dag ses of meer is.
Kleiner gemiddeldes per distrik word in geel aangedui.
Die nasionale gemiddeld per dag word vergelyk met die vorige dag.
In die Lüderitz-distrik het die gemiddeld van 8 gevalle per dag die afgelope Donderdag tot 6 per dag die afgelope Vrydag afgeneem.
Hoewel dit nie die afgeronde gemiddeld verander nie, was daar ook klein afnames op Okahandja en Mariental in vergelyking met die vorig dag.
Covid-19 is opnuut in al 14 streke aanwesig met die bevestiging van vier gevalle in Kavango-Wes.
Net in die distrikte van Okongo, Andara en Aranos is nog nie nuwe gevalle aangeteken nie.
In sy daaglikse bulletin van vandag het die ministerie van gesondheid nie herinfeksies by die nasionale, kumulatiewe totaal van gevalle bygetel nie, hoewel dit gister wel gedoen is. Die syfers is nie terugwerkend verander nie.
Republikein tel alle gevalle tot verdere kennisgewing aangesien ook herinfeksies deel van huidige verspreiding van die virus is.