IKR sê nee vir toetsvoorstel

Heinz SchenkKrieket Suid-Afrika (KSA) is glo een van ses vooraanstaande federasies in wêreldkrieket wat hul wonde lek nadat ’n voorstel om toetskrieket te verryk, verwerp is.Die Internasionale Krieketraad (IKR) het Woensdag bevestig die meerdagformaat sal nie in twee afdelings gedeel word tot “minstens 2019” nie.KSA, saam met sy eweknieë van Australië, Nieu-Seeland, Pakistan, Engeland en die Wes-Indiese Eilande, ondersteun ’n A- en B-afdeling in toetse sodat daar meer “konteks” is.“Tydens vandeesweek se slypskool is spesifiek gekyk na hoe die gehalte van toetskrieket kan verbeter en hoe elke toets iets tel,” het die IKR in ’n verklaring gesê.“Maar dit is ’n ingewikkelde kwessie weens bestaande strukture.”Die Indiese Krieketraad, ’n groot kanon in die raadsaal, ondersteun nie die voorstel nie, want hy glo dit sal die verskil tussen krieketlande se finansiële hulpbronne bloot vergroot.Daar word verneem Suid-Afrikaanse krieket is “angstig” om toetskrieket meer aantreklik te maak, veral omdat verskeie groot T20-reekse voortdurend na sy gesoute spelers se dienste vry. Streng transformasievereistes kan ook binnekort ’n invloed hê.Die Internasionale Krieketspelersvereniging (Fica) het juis vroeër vanjaar ontnugterende navorsing bevind oor Suid-Afrikaanse spelers se gewilligheid om steeds internasionale krieket te speel.In ’n verslag oor die stand van wêreldkrieket het Fica bevind 58,6% van spelers uit Suid-Afrika, Nieu-Seeland en Sri Lanka wil eerder ’n winsgewende loopbaan as ’n sogenaamde T20-huursoldaat nastreef as om ’n nasionale kontrak te onderteken.Boonop het Fica Maandag weer genoem 72% van sy steekproef van wêreldspelers toon hulle is “ten gunste van toetskrieket wat in afdelings gedeel word”.Ná die IKR se slypskool, het Tony Irish, uitvoerende hoof van die Suid-Afrikaanse Krieketspelersvereniging (Saca) én Fica, die besluit as “teleurstellend” bestempel.“Dit is sleg dat alternatiewe voorstelle so vinnig afgeskiet is. Internasionale krieket moet begin aanpas om kommersieel aantreklik te bly,” sê hy in ’n verklaring.Die Proteas “spog” van Desember af met ’n betreklik laeprofiel-reeks teen Sri Lanka – ’n teenstander wat ook nie winsgewend vir KSA sal wees nie. Dit is juis dié soort reekse wat verskeie belanghebbendes glo meer betekenisvol sal wees as toetskrieket se struktuur aangepas word. - Netwerk24

IKR sê nee vir toetsvoorstel

Kommentaar

Republikein 2025-09-19

Meld asseblief aan om kommentaar te lewer

IKR sê nee vir toetsvoorstel

Kommentaar

Republikein 2025-09-19

Meld asseblief aan om kommentaar te lewer

MELD AAN

Advertensie