Iets van alles hier te koop
Henlin’s is in Outjo se sentrale gebied in een van die dorp se oudste geboue geleë.
As ’n MTC-agentskap bied die besigheid alle dienste namens die selfoondiensverskaffer en kan kliënte hul kontrakte hier hernu of uitneem, of ’n selfoon koop. Tango-kliënte word ook met ’n glimlag bedien.
In Henlin’s se Mini Magic Discounters-afdeling is daar skoonmaakmiddels te koop wat plaaslik vervaardig is, asook ’n verskeidenheid meubels, onder meer sitkamerstelle.
“Huise is soms maar redelik klein, derhalwe pas groot sitkamerstelle glad nie in nie. Juis daarom verkoop ons klein stelle met twee stoele en ’n enkelbankie wat in ’n kleiner ruimte sal pas,” het mnr. Hennie du Buisson van Henlin’s gesê.
Omdat fietsry al hoe meer gewild word in die gebied, verkoop en onderhou die onderneming ook fietse en kan kliënte hier kom aanklop vir parte vir bykans enige fiets.
In die binnehof agter die hoofgebou is daar ruimte om drie of vier kantore te ontwikkel. “Ons gaan egter eers die perseel ontwikkel as daar genoeg belangstelling is, want dit kos baie geld om eers te ontwikkel en dan huurders te soek. Boonop kan ons op hierdie wyse die kantore volgens die huurder se voorkeure ontwikkel,” het Du Buisson gesê.
As ’n MTC-agentskap bied die besigheid alle dienste namens die selfoondiensverskaffer en kan kliënte hul kontrakte hier hernu of uitneem, of ’n selfoon koop. Tango-kliënte word ook met ’n glimlag bedien.
In Henlin’s se Mini Magic Discounters-afdeling is daar skoonmaakmiddels te koop wat plaaslik vervaardig is, asook ’n verskeidenheid meubels, onder meer sitkamerstelle.
“Huise is soms maar redelik klein, derhalwe pas groot sitkamerstelle glad nie in nie. Juis daarom verkoop ons klein stelle met twee stoele en ’n enkelbankie wat in ’n kleiner ruimte sal pas,” het mnr. Hennie du Buisson van Henlin’s gesê.
Omdat fietsry al hoe meer gewild word in die gebied, verkoop en onderhou die onderneming ook fietse en kan kliënte hier kom aanklop vir parte vir bykans enige fiets.
In die binnehof agter die hoofgebou is daar ruimte om drie of vier kantore te ontwikkel. “Ons gaan egter eers die perseel ontwikkel as daar genoeg belangstelling is, want dit kos baie geld om eers te ontwikkel en dan huurders te soek. Boonop kan ons op hierdie wyse die kantore volgens die huurder se voorkeure ontwikkel,” het Du Buisson gesê.
Kommentaar
Republikein
Geen kommentaar is op hierdie artikel gelaat nie