Huweliksonmin kry blaam vir moorde by ambassade
’n Ongelukkige huwelik en sprake van ’n egskeiding is uitgesonder as sleutelfaktore in die grumoord van twee kinders van Namibië se kommersiële attaché tot Ethiopië en wel na bewering deur hul ma.
Mnr. Peter Haufiku se vrou wat saam met haar man in Addis Ababa gewoon het, sou Maandag in die land op aanklagte van die moord op haar kinders verskyn het.
Besonderhede is skaars omdat albei lande die sluier dig oor die skokkende voorval getrek het wat laat Sondagmiddag deur Namibië se minister vir internasionale betrekkinge, me. Netumbo Nandi-Ndaitwah bevestig is.
Beamptes nou verbind met die saak het aan Republikein se susterskoerant Namibian Sun gesê die egpaar was besig om deur ’n baie bitter fase in hul huwelik te gaan en dat die moorde uit wrewel teen die Namibiese diplomaat gepleeg is.
Pogings om die derde kind te vermoor wat na bewering Haufiku s’n uit ’n vorige verhouding is, het misluk nadat die kind na ’n hospitaal in die Ethiopiese hoofstad gejaag is. Lede van die geraakte familie was gister in vergaderings met die ministerie van internasionale betrekkinge in Windhoek oor die skokvoorval gewikkel.
Mnr. Peter Haufiku se vrou wat saam met haar man in Addis Ababa gewoon het, sou Maandag in die land op aanklagte van die moord op haar kinders verskyn het.
Besonderhede is skaars omdat albei lande die sluier dig oor die skokkende voorval getrek het wat laat Sondagmiddag deur Namibië se minister vir internasionale betrekkinge, me. Netumbo Nandi-Ndaitwah bevestig is.
Beamptes nou verbind met die saak het aan Republikein se susterskoerant Namibian Sun gesê die egpaar was besig om deur ’n baie bitter fase in hul huwelik te gaan en dat die moorde uit wrewel teen die Namibiese diplomaat gepleeg is.
Pogings om die derde kind te vermoor wat na bewering Haufiku s’n uit ’n vorige verhouding is, het misluk nadat die kind na ’n hospitaal in die Ethiopiese hoofstad gejaag is. Lede van die geraakte familie was gister in vergaderings met die ministerie van internasionale betrekkinge in Windhoek oor die skokvoorval gewikkel.
Kommentaar
Republikein
Geen kommentaar is op hierdie artikel gelaat nie