Hulp vir Kavango-Wes

Die regering het ’n tydelike hervestigingsperseel vir die voedselkwesbare gemeenskappe van Kavango-Wes in die Kapako-kiesafdeling gevestig.
Die betrokke gemeenskappe word gehelp deur die voorsiening van skuiling, kos, matrasse, drinkwater en muskietnette. Bejaardes, vroue en kinders kry voorkeur.
Die ingryping is ’n gesamentlike poging met die Rooi Kruis in Namibië volgens vandag se aankondiging deur die kantoor van die eerste minister.