Hulp gevra vir Mathys se trust

Henriette Lamprecht – Die 49-jarige Mathys van Rooyen, geliefde voormalige Namibiese rugbyspeler en onderwyser, is in die Auas Hills-eenheid vir verswakte sorg opgeneem. Mathys is in 2019 met aggressiewe motorneuronsiekte (MND) gediagnoseer waarvoor daar geen kuur is nie. Volgens die M7 Trust wat gestig is om met mediese uitgawes te help, is 'n “emosionele en hartseer” besluit geneem om hom hier te laat opneem, nadat sy toestand vinnig versleg het.In Februarie het Mathys op die Facebook-blad teruggekyk op die twee jaar sedert hy met die siekte gediagnoseer is. “Vandag besef ek hoe groot voorreg dit is om familie en vriende te hê as ondersteuningsbasis. Al die finansiële bydraes (in moeilike tye) en veral die emosionele ondersteuning.”Hy sonder veral die ondersteuning van sy gesin, Adél, Mienke, Amé en Dreyer, spesiaal uit. “Om so pad alleen te stap, moet vreeslik wees en my hart gaan uit aan elke mens wat dalk alleen moet worstel met enige vorm van siekte.”Mathys het toe geskryf buiten sy beweging wat ingekort is, kon hy toe reeds nie meer praat nie.“My tong het feitlik gedisintegreer en kan nie meer woorde vorm nie. Wat 'n vreemde wêreld sonder om te kan praat! Die aanpassing is groot! Met pen en papier en selfoontik, vind ek my weg om boodskap oor te dra. Tot my hande ingee. Maar soos die Engelsman sê: “I took it for granted”.Mathys sluit sy boodskap met hoop af en volstaan “hierdie hopelose situasie is hoopvol, want Jesus se kruisdood het die hoop gebring. “Hoe sleg en benoud die situasie nou ook al lyk, dit sal ook verbygaan. En dan sal ek gesond wees. Vir ewig.”Mediese uitgawes, medikasie en voltydse versorging het intussen ook sy tol op die trust geëis wat 'n beroep op mense gedoen het om met finansiële bydraes te help om te verseker Mathys ontvang steeds die beste mediese sorg en gemak tydens sy verblyf by die sorgsentrum.Volgens die trustees van die trust “is onverpoos gesoek na alternatiewe finansieringsopsies en/of finansiële steun, sonder enige sukses”.“Ons is ongelooflik dankbaar vir elke skenking wat in die verlede gemaak is en kan nie ons dankbaarheid genoeg betuig nie, omdat dit 'n reusehulp was om 'n gemaklike omgewing aan Mathys in die laaste paar maande te bied.”Vir meer inligting kan Adél by 081 148 3434 gekontak word. Die trust se besonderhede is soos volg: Standard Bank, Mathys van Rooyen – M7 Trust, reknr. 60004996347, takkode 082372. Michael Durant, stigter van die trust, kan by 081 788 7700 gekontak word.– henriette@republikein.com.naFOTOMathys saam met sy gesin en grootste ondersteuners - Adél, Mienke, Amé en Dreyer. FOTO ARGIEF

Hulp gevra vir Mathys se trust

Kommentaar

Republikein 2025-09-11

Meld asseblief aan om kommentaar te lewer

Hulp gevra vir Mathys se trust

Kommentaar

Republikein 2025-09-11

Meld asseblief aan om kommentaar te lewer

MELD AAN

Advertensie