Hulde aan wyle Anton Lubowski

12 September 2018 | Menings
JOHN FREDERICKS SKRYF:

Op die 12de September 1989 lê Anton Lubowski dood op die koue sementpaadjie voor sy huis.

Elf koue “high velocity” patrone het sy liggaam deurboor. Hy was dood voordat hy die koue van die sementpaadjie kon voel.

Anton se dood was ontydig, onnodig en onmenslik.

Sy gewetenlose moordenaars het die donker aand ingevlug, net soos dit lafaards betaam. Hulle het sy liggaam aan flarde geskiet, maar sy droom het verwesenlik.

Anton het die hoogste prys betaal vir beginsels, vir 'n droom en vir geregtigheid. Hy was onverskrokke, en soos die Afrikaner-Duits Namibiese bloed deur sy are gepomp het, het hy vreesloos gestrewe na 'n ideal waarvoor en waaroor baie nie wou gedink of gedroom het nie.

Na talle doodsdreigemente, haatbriewe en beswaddering, het hierdie intellektuelle reus en bekwame sportman hom beywer vir die gelyke behandeling van sy mede-susters en -broers, ongeag van velkleur en herkoms. Hy het uitgetroon soos 'n ware “Spartaan”, en geveg soos een, met woorde en aksie wat die vyand laat ontaard het in gesiglose sluipmoordenaars.

Die Suid-Afrikaanse regering het hom gevrees, die verkramptes het hom gevrees, die konserwatiewes het hom gehaat, maar die mense van die land was lief vir hul broer en mede-vryheidsvegter.

Anton was lewenslustig. Hy was soos almal van ons lief vir die lewe, vir die land en sy mense. Hy was lief vir sy ouers, sy kinders (dogters) en die ander vrouens in sy lewe.

Hy was 'n persoon van integriteit, beginsels en standvastigheid, met 'n onwrikbare geloof in die edelheid van die mens.

Die kil, gesiglose moordenaars wat ons beroof het van een van die edelgesteentes van ons land se geskiedenis en leiers het nooit die prys betaal vir hul euweldaad nie. Ek kan my indink hoe die ma van Anton oor die sinlose moord op haar seun moet voel.

“My kind is dood, en die mense dink daar niks nie van!”

Aan die familie, kamerade en vriende van Anton, wees gerus en vind vrede in die wete dat Anton se opofferings stabiliteit, vrede, samehorigheid en vryheid teweeg gebring het in 'n land waarvoor hy lief was en voor geleef het, maar waarvoor hy ook bereid was om te sterf.

Op my politieke kalender is 12 September Anton Lubowski-dag.

Volgens hofverslae is die onbekende, bekende moordenaars van Anton, Donald Acheson, Staal Burger en Chappie Marais.

Soortgelyk

 

Man vas oor lewende ietermagô

1 dag gelede | Misdaad

'n Man is Donderdag by 'n vulstasie op Okahandja glo met 'n lewende ietermagô in sy besit in hegtenis geneem. Volgens die woordvoerder van...

Polisieman skiet eks glo

1 dag gelede | Misdaad

'n Polisiebeampte sal Maandag in Walvisbaaise landdroshof op klagte van poging tot moord verskyn ná hy gister glo sy eksmeisie met sy dienspistool geskiet het....

Specialising in skin

2 dae gelede | Gesondheid

Dr Elisah Agaba is a consultant dermatologist at the Ongwediva Medipark university teaching hospital.He is also a senior adjunct lecturer of dermatology at the University...

Resessie slag Namibië

2 dae gelede | Ministeries

Jo-Maré Duddy – Net sowat N$25,5 miljard teen bestendige pryse het die afgelope kwartaal deur die Namibiese ekonomie gevloei – die minste in vyf jaar.Syfers...

Getuie sê Dippenaar het gejaag

2 dae gelede | Howe

Erwin Leuschner – Die saak teen die moordbeskuldigde mnr. Jandré Dippenaar is tot volgende jaar uitgestel.Woensdag het die laaste staatsgetuie in die streekhof op Swakopmund...

Wateraanleg staan twee weke stil

2 dae gelede | Regering

Elvira Hattingh – Windhoek kon vir langer as twee weke geen drinkwater uit rioolwater herwin nie – hoofsaaklik omdat daar te veel chemikalieë, vette, olies...

Kalender 20 September

2 dae gelede | Kuns en vermaak

Nou aan die gang» Die Culture Invasion Festival skop vandag by die sportterrein op Rundu af. Tydens die twee dae lange fees sal verskillende kunstenaars...

Weer vir 20 September 2019

2 dae gelede | Weer

BINNELAND: Sonnig en baie warm in die sentrale Noorde en Noordooste. Elders sal dit gedeeltelik bewolk en baie warm wees.KUS: Bewolk en koel tot...

Jol in Japan

2 dae gelede | Kuns en vermaak

Lloyd Zandberg Japan is een van daai lande waaroor mense praat. Nie noodwendig die heeltyd nie. Maar in baie gesprekke, veral om die...